GIRO BIKAINA EMAITZA EZ HAIN ONA...

Larunbat gauean gure partiduaren ostean taldekide batek aldageletan esandakoak oso ondo laburbiltzen du azken partiduan gertatu zena. Azken aldiko partiduek antza izugarria dute eta partidu bera jokatzen ari garela dirudi. Tamalez hori horela da, partidu guztietan lehiakorrak izaten ari bagara ere, azken emaitza ez da ona izaten.

Ez genuen talde bat ere txarra eraman larubateko partidura. Merinok atearen zaintza berreskuratu zuen eta nola gainera, Pablo eta Astudi(lo) atzeako lerroan, Mauzizzio euskarri aritu zen, Mesi eta Popes hegaletan eta Trolebusa beti bezain Barregarri aurrelari. Gari eta Falop kanpoan geratu ziren.

Partidua orokorrean oso parekoa izan zen eta bertan maila antzekoa zuten bi aurkari aurrez aurre zeuden.Partiduari ez genion gaizki ekin eta atzean sendo egoteaz gain beraien porteri ingurura gerturatzea lortu genuen. Honela Astudi(lo)k 1-0 jarri zuen… Berehala bigarren gola sartu genuen baina atzo zelai gainean gaurik txarrena izan zuenak gola baliogabetu egin zigun.

Beste behin markagailuan aurretik jartzea lortu genuen baina pozak ez zuen gehiegi iraun. Honela korner baten ondorioz berdinketa lortu zuten. Beraien aurrelariak bakar bakarrik errematatu zuen eta Merinok ezin izan zuen baloia gelditu. Gaizki defendatu genuen kornerra baina okerrena ez da hori bigarren gola ere albo batetik ateratako falta baten ondorioz izan zen, lehenengo golaren kalkoa.

Atsedenaldira amorratuta iritsi ginen eta horren isla izan ziren entzun ziren esaldi eta madarikapenak. Hala ere bigarren zatia hastearekin batera gauza baretu egin zen.

Bigarren zatian taldeak ahal zuen moduan gora iristen ahalegindu zen eta gol aukerak izan genituen. Ez genuen beraien atea zulatzea lortu eta gainera epailearen zenbait erabakik kirioak dantzan jarri zizkigun. Tamalez partidua 2-1 bukatu zen…

Bigarren fase honetan taldeak zuen helburua lehenengo bosten artea sartzea da, horrela hurrengo denboraldian egin duten egituraketa berrian 3.mailan jokatzeko. Helburu bat jartzea ondo dago baina ez gaitzala burua galtzera eraman.

Azken xedea lortzeko taldea badugu eta emaitzak aurkakoa badiote ere burutzen ari garen ibilbide honetan gero eta talde sendoagoa bilakatzen ari gara. Bide honetan jarraituz aldeko emaitzak iritsiko dira.

Atzokoan ere agerian geratu zen Estanko Mendizabal futbol7 taldea baino gehiago dela. Kirol emitza eta sentsazioez gain, taldearen barne dinamika asko hobetu da eta giroa ezin hobea da. Aldageletako ormek hitz egingo balute…

Nor Baino Nor:

Merino BRAVISIMO (6,25) Momentu zailenetan futbol taldearen taupadak ez gelditzeko ezinbestekoa. Datorren denboraldian gurekin jarraituko duzu?

Astudi(lo) (5,6) Gola sartu zuen eta bejondeiola! Defentsa lanetan ondo baloiraekin zelai erdia iragaten duenenean…

Pablo LEMAZIAN (5,75) Azken aldian bere bolada onena igarotzen ez ari bada ere, atzean dagoenean taldeak nabaritzen du. Pena da horrelako jokalaria atzean jokatzera kondenatzea. Atzo zelai erdian ere jokatu zuen.

Maurizzio ERREN (5,75) Honela jarraitzen du eta hala ere atzo taldearen gidaritza hartzea tokatu zitzaion.Bere entrenetzaile sena agerian geratzen da.

Popes GIDARI (5,5) Zorionak puntual iritsi zinen… Hegal lana txukun burutu zuen eta zenbait momentutan bere genioa azaldu zuen.Otsaita!

Mesi ANTZU (5,5) Aurkarien atea zulatzea kosta egiten zaio, lehengo urteko zenbakiak galaktikoak ziren aurtengoak errealistagoak. Gainera Real Madridek partidua galdu zuen, loteria erosi nork daki agian…

Trolebuas Barrebusa (5,5) Golik sartzen ez duenean taldeak nabaritzen du. Sartutako gola legala zen baina badakizu epaileak nolakoak diren...

Gari HARRIZKOA (5,75) A ze adorea duen! Egia da duen lanerako hori beharrezkoa omen da. Burua eta gorputz osoa uzten du jokaldi guztietan.

Falop AHUL (4,75) Joan zen asteko MVParen ondoren errelitatera itzulera gogorra. Lehenengo golean gehiago egin zezakeen, hanka aurkariei sartzea kosta egiten zaio.

P.D:Caminante no hay camino se hace camino al andar...