LAINOEN ATZEAN EGUZKIA DIZDIRATSU DAGO!

Astelehen triste honetan, laino grisek zerua bereganatu duten honetan igandeko kronika idaztea tokatzen zait. Hala ere, irakurleak lasai egon behar du, eguraldi kaxkar honek ez baitio nire kronikaren kutsuari eragingo.

Igande goiza zen eta oroitzapen ez hain onak eragiten dizkigun Urnietako futbol zelaian genuen zita. Astearen azkeneko eguna, atezainik ez eta partidua hasteko 7 jokalari. Baldintzak ez ziren egokienak baina honi guztiari aurre egin eta partiduari oso txukun ekin genion.

Falop jarri zen atepean, a ze lehenengo zatia burutu zuen, Kaiser Pablo eta Mikel Hirukia atzelari, Erlantz euskarri lanetan aritu zen, Popes eta Mesi(as) hegaletan eta Trolebusa Barrebusa aurrelari. Maurizzio partidua hasita iritsi zen. Barriletek azken orduko aitzakia zuen ez agertzeko…

Partidua hasi eta baloiaren jabetza era bat gurea izan zen. Aurkariek zuten adina ikusita bere zelaian itxaron gintzuten eta guri tokatu zitzaigun partiduaren tenpusa jartzea. Baloia gure hanketan alde batetik bestera mugitu genuen baina kosta egin zitzaigun beraien harresian xirrikituren bat bilatzea. Zorionez aurkitu genuen eta Mikelek 1-0 jarri zuen. Beraien erantzunak kanpoko jaurtiketak ziren baina ez zuten gure atea zulatzen asmatu.

Partidua ez zen aldatu eta baloiaren jabetza gurea zen. Ez genuen presa handiarekin jokatu , horrela Mesi(as)ek bigarren gola sartu zuen eta atsedenaldira horrela iritis ginen. Partidua bideratzen hasia zela zirudien...

Bigarren zatian gauzak aldatu ziren. Ezker hegaletik iristen hasi ziren eta nahiko goiz, goizegi?, gure atea zulatu zuten. Beraien animoak goruntz egin zuen eta gure taldea noraezean aritu zen. Egoera hau probestu zuten hamar minututan beste bi gol sartzeko. Tamalez ordu laurdenean markagilua iraultzea lortu zuten...

Orduan baloiaren jabetza berreskuratu eta baloia mugitu genuen baina beraien trolebusari ezin izan genion zulorik bilatu. Azkenean laugarren gola sartu ziguten eta partidua 4-2 amaitu zen.

Bertan izan ginenok izandako jarrera txalotzeko modukoa izan zen, denboraldi osoan zehar erakusten ari garen bezala. Jarrera honek saria izan behar du denboraldi amaieran.

Eguneroko bizitzan erabiltzen dudan axioma bat gogoraraztea ondo legoke ...

Nor Baino Nor:

Falop BRAVO (6) Ate azpian jartzea erabaki zuen eta bere tokia ez izateko oso txukun aritu zen. Hirugarren golean zerbait gehaigo egin zezakeen.

Pablo BAKARRIK (5,25) Atzean askotan bakarrik geratzen zen, nabaritu genuen defentsa sendoagoen falta bigarren zatian.

Mikel GOLEGILE (5,75) Defentsan zenbait baloi berreskuratu zituen eta goruntz joaten ahalegindu zen.

Erlantz LEHIKOR (5,25) Taldeak baloia mugitu zuen lehen zatian eta bera ere dinamika horretan sartu zen. Gogotsu baina azken pase hori falta zaio.

Popes GOGOTSU (5) Horrela etorri zen eta ahal zuen moduan lagundu zion taldeari.

Mesi(as) GOLEGILE (5,75) Bere estatistikak begiratu besterik ez dago. Hala ere zerbait gehiago espero dugu.

Trolebusa ESTU (5) Lerroak gertu dauzkaten taldeen aurka jokatzean espazio gutxiago du eta defentsa mordoa bere mugimenduak kontrolatzeko.

Maurizzio FASTIdiado (5,25) Erren eta nesken partidua atsedenaldian utzita agertu zen, berandu baina azaldu zen. Kalitate printzak azaldu ziren.

P.D: Ez nuen uste atezain izateak agujetak uzten zituenik…