Gozatu momentuaz!!!

Hiru urte luze lehenengo mailatik kanpo eman eta gero, abuzturen hilabeteak eta aurtengo oporrak amaitzear daudenean , Errealak 20010-20011 denboraldiko bere lehen norgehiagoka jokatu du Vila Reala taldearen aurka.

Ezustean hartu nau partidura joateko aukera izateak, baina aitortu behar dut errealzale peto petoa ez izan arren, partidua hasi aurretaik kirioak dantzan izan ditudala. Motoa hartu eta Intxaurrondotik Anoetara dagoen ibilbidean erromes askorekin topatu naiz. Nabaritzen da aurtengoa Done Jakue urtea dela.

Oso noizbehinka daukat honelako futbol partiduetara joateko aukera baina joaten naizenean Atotxa zaharreko zenbait oroitzapen etortzen zaizkit: zalegoa, puro usaia, aldamenekoarekin besarkatu nahaia… Bada faltan somatzen dudan zerbait futbol zelaiaren belarraren usaia.

Taldearen ibilbidea zein izan den kontuan izanda zalantzaz beteta gerturatu naiz, zaila baita taldearen maila zein izango den jakitea. Bertan ikusitakoak baikor izatera narama baina jakitun izanda 43 puntututara iritsea dela taldearen xede nagusia. Hortik aurrera letorkeena sari nagusitzat hartu beharko genuke.

Franko pozik egonogo litzateke gaurko norgehiagoka ikusita, denbora guztia eguzkitan egon baikara, badakizuea cara al sol… Taldea zelairatu denean, Anoetak lehenengo txalo zaparrada eskaini dio taldeari. Batzuk zutik, besteak eserita baina eskuak gorri gorri jarri arte babesa eman diogu talde txuri urdinari. Ongi etorriak lehenengo mailara!

Zelairatutako hamaikako: Barvo atepean, De da Bella , Ansotegi , M. gonzalez eta C Martinezek atzeko lerroa osatu dute. Aranburu eta Rivas euskarriak izan dira, X.Prieto eta Sutil hegaletan ; Zurutuza punta erdi lanetan eta Llorente aurrelari. Talde txukuna, kontentziorako eta kontraerasoan aritzeko egokia. Aurkariari egiten utzi eta sortzen ditugun aukerak probestu….

Lehenengo 45 minututan nahiko gora behera izan ditu taldeak. Hasierako gogoak, infernuko 3 urteen zamak, taldearen ilusio eta grinak antsietatea eragin du ; urpekari horiko jokalariak ondo kokatuak zeuden; gureak ordea nerbioek erraginda lekua hartu ezinik.

Hala ere, aurkariek baloia zentzuz mugitzen bazuten ere, bere jokoa ez zen oso eraginkorra. Aukerak izan dituzte baina Bravok apenas ukitu du baloirik. Errealak baloi jabetza urria, minutuak aurrera joan ahala, hau asko orketu da eta bere aukerak ere izan ditu. Aukera bakanak baloia geldirik dagoen jokaldietaik etorri dira.

Atsedenaldiren itzuleran, Errealak zenbait zalantza izan ditu; Vila Real partiduaren bila atera da eta taldeak gure atezainaren area gehiagotan zapaltzen zuen besteena baino. Pixkanaka partidua zoratzen hasi da eta Sutilek hasitako jokaldi bati LLorenetek jarraipena eman dio bere takoiarekin eta X. Prieto 1-0ekao igoarazi du markagailura. Orduan bai besarkatu ditudala nire inguruan zeudenak…

Lasartek hiru aldaketa egin ditu bigarren zatian. Grizman atera du Sutilen ordez, norgehiagoka polita izango dute hamaikakoan sartzeko, Vigera Zurutuzaren ordez eta azken aldaketa Tamudo LLoremente hondarribitarraren ordez atera da.

Azkenean, defentsa lanetan aritu gara eta markagailurai eusteaz gain bigarren gola ere egiteko aukera izan dugu. Zorionak itzulera ona izan baita baina oraindik 40 puntu falta zaizkigula

Nor baino Nor:

Bravo LASAITASUNA (7,5) Horrelako atezain bat izateaz arro egon behar dugu. Goza dezagun gurekin dagoen artean!
C.Martinez BORROKALARI (8,25) Atzera begira zenbait gol aukera zapuztu dizkie aurkarie eta aurrera egiteako adorea du. Baloia hanketan duenea nahiko baldar. Lehenengo mailan eta erdiratzen ez al daki?
Ansotegi BIDELAGUN (7,5) Bidaikide ona izan daiteke aldamenekoa laguntzaile fidela badu…

M.Gonzalez HESIA (7,75) Bere jokaldi batek kirioak dantzan jarri badizkigu ere ,sendo aritu da atzeko lanean.

De la Bella GORUNTZ (7) Partiduan sartzea kostatu zaio baina lan txukuna egin du. Ez zuen lan erraza!

Rivas LANGILE (7,25) Baloi asko berreskuatzen ditu baina baloia hanketan duela ahalegintzen da jokatzen eta jokatuarazten.

Aranburu DAGO (7) Zenbait zertzela ikusi ditugu baina taldeari baloia jokarazten presentzi gehiago izan beharko luke.

X.Prieto WINDOWS (7,75) Batzutan bigun xamar azaltzen bada ere, kalitatea handikoa.

Sutil DEBUTA (7,5) Taldekide askok bezala bere debuta egin du lehenengo mailan. Txukun ariu da.

Zurutuza GIDARI (7,25) Horrela beharko luke , horrela izan ez bada ere. Duena erakusteko gai bada…

Llorente TALDEGIZONA (8) Azken urtetan erakutsi duen horelako mailako jokalari bat izatea izugarria da. Jokalari bezala handia baina gainontzekoei eragiten diena are handiagoa. Ongi etorri eta urte askotarako!

Grizman ETORKIZUNA (6) Duen adinerako zein lotsagabea den…

Vigera SORPRESA (5) Adoretsu atera da, jarraitu beharrekoa…

Tamudo HIZTUN (5,5) Bere golek zer esana emango dute.

P.D: Gogoan izan Erreala igo zenenean Lasartek esandakoa ...