EZ DUGU PARTIDU LASAIRIK!!!

Aste batzuk neramatzan asteroko kronika idatzi gabe eta gogo handiz piztu dut nire portatila orri zuriaren aurrean idazten hasteko. Partiduaten gertatzen den bezala kronika idaztean batzutan asmatuko dut eta beste batzutan ez, baina norgehiagoketan izaten ditudan bizipenak ahaik eta txukunen jartzen ahalegintzen naiz.

Larunbat arratsaldean Oiartzungo Ugaldetxo futbol zelaian partidua izan genuen. Konbokatoria egiteko nahiko larri ibili ginen eta azkenean 8 taldekide urbildu ginen. Astud(lo) atepean jarri zen, benetan lan oso txukuna egin zuen. Atzean bi gerlari Espi eta Gari, zelai erdian Eneko euskarri lanetan, Joseba a ze ezker hanka duen!!, eta Popes beste hegalean langile eta Falop aurrelari. Erlantz partidua hastear zegoela iritsi zen eta albo batean geratu zen.

Bertaratu ginen perfila nolakoa zen ikusita taldea partidua eustera atera zen. Gure zelaian zain geratu eta baloia lapurtu eta kontraerasoan ateratzen ginen. Partidua hasi eta markagailua 0-0 zegoela gure atezainak geldiketa oso on bat egin zuen… taldea ez zen kokildu eta Josebak bere ezker hankak duen kalitatea erakutsiz eta 1-0 jarri ginen aurretik.

Honek taldea indartu eta gure jokoarengan konfiantza handitu zen. Josebak bere bigarren gola sartu zuen eta noski gure konfiantza ere goruntz zihoan. Baina dena ez zen hain erraza izan, aurkariak ere ahalegindu ziren gola egiten eta 2-1 igoarazi zuten markagailura. Hankan lurrean izan behar genituela erakutsi zigun gol horrek. Lanean jarraitu genuen. Hurrengo jokaldian Enekori penaltia egin zioten eta azken honek 3-1ekoa jarri zuen markagaikluan..

Bigarren zatia nahiko arraroa izan zen. Enekok beste penalti bat sartu zuen, eta markagailuko aldea handitu zuen. Minutu batzuk beranduago Espik beste gol bat sartu zuen garapienaren bidean murgilduz. Gainera aurkariek bere atean gol bat sartu zuten, epaileak Enekori eman zion gola, beraz 15 minutu falta zirela 6-1 adierazten zuen markagailuak…

Badakizue futbolean ez dagoela partidu errezik eta gure kasuan are gutxiago. Bigarren zatiaren amaieran 3 gol jaso genituen ; nahiz eta garaipena kolokan ez izan sufritzea tokatu zitzaigun.

Bigarren faseko lehenengo garaipena lortu dugu.Baldintzak agian ez ziren egokienak izan baina garaipena lortzea garrantzitsua da taldearen ibilbidea indartzeko. Hurrengo erronka datorren astebukaeran dugu. Gora Estankotarrak!

Nor baino nor:

Astudi(lo) BRAVO (6,5) Merituzko geldiketak egin zituen, atepean jartzea ez da erraza eta gainera oso txukun aritu zen. Bejondeizula!

Gari GERLARI (6,5) Oso langile eta borrokarako prest. Atzeakaldeari sendotasuna eman zion.

Espi(a)BILATZEN (6,5) Aurten askoz zentratuago dago. Urteek heldutasuna ematen omen dute. Gainera gol polita sartu zuen.

Eneko GIDARI (7) Bi penalti egin zizkioten eta berak sartu. Oso ondo botatzen ditu penaltiak. Lemazaina da zelai barruan eta kanpoan. Golegilea, 3 gol sartu zituen, baina batzutan erretrobisoretik begiratu beharko luke.

Joseba HANDITUZ (6,75) Bere bi golek taleari lasaitasuna eman zioten. Jokoan badaki zertan dabilen. Fitxaketa ona egin dugu.

Popes LANGILE (6,25) Hegaletan oso langile eta partiduan sartuta. Epailearekin Txinarako bidaiak merke zeuden.

Falop TEMATI (6,25) Langile eta presioa egiten lehena. Aukera garbiren bat ere izan zuen baina larunbatean ze zuen asmatu.

Erlantz IRMO (6,5) Taldearen mesedetan oso langile eta zelai erdiko lanetan burubelarri aritu zen. Bere bizitzako jokaldia ez ondo bukatzegatik barkatu!!!

P.D: Partiduz partidu bagoaz, goi erpinera iristen ahalegindu gaitezke!!