ESTANKOTARRA NAIZ!!

Lehenengo faseko azkeneko partidua jokatu genuen joan zen larunbatean Matigoxotegi futbol zelaian. Ezin hobeto eman genion amaiera denboraldi honetako lehen zatiari; garaipen polita lortu genuen baina tamalez hainbeste desio izan dugun igoerarako ez digu balio izan.

Norgehiagoka berezia zen baina aldagelan antzematen zen giro lasaiak, txisteren bat tarteko, ez zuen islatzen jokoan genuena. Ordu erdiko azterapenaz hasi genuen partidua…

Gure zazpikoa: Merino atepean, pozten gara aspaldiko partez azaldu izana, Asteinza eta Eneko aztelari, Erlantz euskarri Maurizzio eta Popes hegaletan Trolebusa beti bezain barregarri aurrelari. Estankovich, Pablo eta Falop gure zaletuekin geratu ziren.

Hasieratik taldea partidua irabaztera atera zen. Agian, garaipenaren beharrak aurkarien atea txikitu zuen eta kosta egin zitzaigun beraien porteri barrura baloia bidaltzea. Gol aukerak hasieratik izan genituen baina minutuak aurrera joan ziren eta markagailua ez zen aldatzen..

Asteinzak jaurtiketa on bat egin zuen eta eskuin zurtiona ferekatu ostean baloiak sarea ukitu zuen. Gol honek gure hankei zama handia kendu zien eta pixkanaka lasaitzen joan ginen.

Bigarren zatian zenbait unetan berdinketa ere gerta zitekeela zirudien bain orduan agertu zen gure atezaina geldiketa oso on bat eginez. Kontraeraso dezente egin genituen eta gol aukera asko izan genituen. Enekok horietako bat probestu zuen; 2-0 igoarazi zuen markagailura garaipena gure eskutan utziz.

Azken partidura arte igotzeko aukera izan dugu. Nahiz eta gure helburu bakarra ez izan, borroka horretan oso lehiakorrak izan gara. Gogoratu bestela lehen sailkatuek nola irabazi gintuzten. Gainera talde izaerari eutsi diogu bakoitzak duen rola zein den argi baitauka.

Harro egoteko lehenengo fasea burutu dugu, gure historia laburrean urrats sendoak ematen ari gara eta taldearen joko maila ere hazten ari da. Horregatik harro oihuka dezaket….

Nor baino Nor:

Merino BRAVO (7) Ez zuen lan handirik izan baina behar genuenean azaldu zen.

Asteinza KABIARRA (7,75) Atzea ikaragarri sendotzen du eta baloia ondo mugitzen du. Gainera golegile. Gurekin luzaroan jarriatu!!!

Eneko LEIHAKORRA (7,5) Taldeari garaipen gosea igortzen dio eta gainera sakontasuna ematen digu.Aurtengo fitxeketetan asmatu dugu!

Erlantz EUSKARRI (6,5) Ondo jokatu zuen baina ez zuen aurkarein atea zulatzen asmatu. Zurtionek gola adina bailioko balute…

Mauruzzio LARRI (6) Fisikoki ez zegoen bere onenean eta bere jokoak nabaritu zuen.Eutsi goiari!

Popes HEGALARI (6) Beti hor! Pena azken pasean ez asmatzea. Ni ere harro nago…

Trolebusa PePe PURITO! (6) Hurrengo fasean partidu aurreko puritoak kanpora. Saiatu zen gola sartzen baina ez zuen asmatu. Bigarren fasean kilerra behar dugu.

Estankovich ARIMA (6,5) Baloiarekin ondo moldatu zen baina porteria txiki geratu zitzaion.

Pablo KAISSER (6,5) Hegaletik taldearen defentsa sendotzen du eta baloia zentzuz mugitzen dugu, erregateren bat soberan badu ere.

Falop BETETA (6) Asetuta bukatu zuen baina lehiakor aritu zen taldearen mailan.

P.D1: Denboraldi honetan guztiek oso nota ona merezi duzue. Taldea da MVP-a.

P.D2: Lehenengo astean idatzi nuena berresten dut. Hirugarren mailako taldea gara baina lehenengo mailako jarraitzaileak ditugu. Gora zuek!