Txapeldunen ligako orduan partiduak alde egin zigun!

Joan zen asteetan jokatutako partiduek eta ostegunekoak izan duten antzekoatsuna ikusiz, artikulu zaharrak hartu eta Copy Paste egin nezakeen, baina zorionez hori ez da nire estiloa.

Gure Trolebusak joan zen aste hasieran ondo baino hobeto kudetu zuen partidua beste egun batean jokatzeko aukera. Taldeak ondo erantzun zion eta guztiarengatik zorionak guztioi, gure taldeko killerrari bereziki mila esker.

Ostegunean, Europako izarrek jokatzen duten ordu berean , Estanko Mendizabalek futbol7 partidua zuen. Hasiera batean Overbookingaren beldur ginen baina zorionez 10 jokalari urreratu ginen Felix Garinera.

Merino atepean jarri zen, tamalez ez zuen egun onena izan, Gari eta Migel atzelari ,Mikel eta Falop hegaletan Erlantz tartean zutela eta Maurizzio aurrelari. Popes,Trolebusa Barrebusa eta Pablo kanpoan geratu ziren.

Orokorki partiduari ez genion gaizki ekin eta baloiaren jabetzarekin batera gol aukerak izan genituen. Batzutan hegal bera erabili genuen eta beste futbol zelairen aldeaz ahaztu ginen, hala ere markagailuan aurretik jartzea lortu genuen eta minutuak aurrera egin ahala bi taldeen aldea gero eta nabariagoa zen. Zorionez honek markagailuan bera isla izan zuen Mikek, Erlantzek eta Trolebusak sartutako golei esker 3-0 aurreratu baikinen.

Lehenengo zatiko azken minutuak bestelakoak izan ziren ; defentsa lanetan aritzea kosta egin zitzaigun eta minutu baten falta Merinok zaintzen zuen areatik oso gertu falta bat egin genuen. Tamalez gola sartu ziguten eta lehen zati txukuna burutu arren lehenengo zalantzak sortu ziren.

Bigarren zatian taldeak ez zuen bere tokia hartzen asmatu eta aurkariek partidua berdintzea lortu zuten. A ze amorrua! Azken aldiko gertaerak errepikatzen ari ziren. Taldeak ez zuen amore eman eta Mikelek 4-3 jarri gintuen. Zapore garratza goxoagotzen hasi zen baina beraien azken golak gogor astindu zuen gure aldartea.

Azkenean 4-4 bukatu genuen, nahiko buru makur eta gertatutakoarekin haserre. Aste Santuaren itzuleran hiru norgehiagoka faltako zaizkigu 2010-11 denboraldia bukatzeko. Gure erronka beti bezala hiru partiduetan lehiakor izatea da eta irabazten ahalegintzea. Emaitzek esango dute azkenean datorren denboraldian non jokatzea merezi dugun. Gora Estanko!

Nor Baino Nor:

Merino BURUMAKUR (4,75) Azken gola jaso arte partidu txukuna egin zuen geldiketa onak eginez. Lasai Meri guztiak gara gizakiak.

Gari BORROKALARI (5) Askotan jarri diot adjetibo hau baina oraingoan ez zen metafora izan.

Barrilete IMITAZIOA (5) Ez zen bere bertsio onena azaldu…

Erlantz GIDARI (5,25) Gola sartu zuen, oso nekatuta bukatu zuen..

Mikel GOLEGILE (5,5) Bi gol sartu zituen baina batzutan baloia gehiagi gidatu zuen…

Falop AHUL (5) Aurtengo denboraldian ez dio txapelketari errimorik hartu…

Maurizzio AURRELARI (5) Aldaketa taktikoa, amaiera arte saiatu zen.

Trolebusa HASERRE (5,25) Gola sartu zuen, berdindu zigutenean a ze amorrua erakutsi zuen.

Pablo BEHERUNTZ (5) Denboraldi hasieran gaizki ohitu gintuen. Taldeak behar zaitu!

Popes PADELMAN (5) Arratsalde osoa kirola egiten, eguna horrela bukatu al zenuen?

P.D: Aste Santuan pilak kargatu eta azken txapari ekingo diogu!