ERRONKA POLIT BAT DUGU!

Igande goizean Estanko Mendizabal futbol7 taldeak aurtengo bigarren faseari ekin zion eta nola gainera asko kostatako garaipen batekin.

Batzutan kronika bera idazten ari naizela iruditzen zait baina futbol zelai gainean eta bertatik kanpo ikusten dudanak ia beti konklusio berak ateratzera narama. Sarri idatzi izan dut igande goizean jokatzen ditugun partiduak arriskutsuak direla…

Domekako partidua Urnietan izan zen eta futbol zelai horrek gure historia laburrean emaitza kaxkarrak besterik ez dizkigu utzi. Partidua astear zegonean 6 jokalari geunden soilik partiduari ekiteko.Momentu batez Urnietan aintzinako mamu zaharrak aterako zirela uste nuen.

Merino atepan jarri zen, G handia eta Mauruzzio taldegizona, berdin da non beti taldearen beharretara egokitzen da, Erlantz euskarri, U2 hegaletan, Mesi(as) eta Falop, eta Trolebusa Barrebusa jkoz kanpoko muga zaintzen. Partidua harita Pablo eta Gari agertu ziren.

Partidua negargarri hasi genuen, pertsonalki defntsan oso ahul, eta konturatzerako 2-0 jarri ziren aurkariak aurretik. Beste behin markagailua iraultzea tokatzen zitzaigun eta zorionez horrela egin genuen.

Baloiaren jabetza eskuratu eta ahal genuen bezala erasoak antolatu genituen. Azkenean 6 gol sartu genituen, eta Urnietako futbol zelaiko markagailuan 6-3koa geratu zen. Trolek eta Messik bina gol sartu zituzten, Pablok bat eta Erlantzek bestea. Zorionez iraganeko mamurik ez zen guztiz azaldu.

Bigarren fase honi ongi ekin genion beraz. Ibilbidea pixkanaka pixkana egiten omen da eta horrela joan behar dugu partiduz partidu. Gailurrerako bidean oinarrizko kanpamendutik besterik ez gara atera, gorabehera asko izango ditugu baina aldamenekoaren babesak eta gora isitsi nahaiak goi erpina zapaltzera eraman gaitzake.

Goza dezagun futbol7ak sortzen digun pozaz! zorionez erronka polit baten aurrean gaude…

Nor Baino nor:

Merino TXAPELGORR (7,75) Bigarren zatian horrela zirudien, atearen zaintza ondo burutu zuen.

G handia PIKAPIEDRA (7,5) Pedro al zuen izena? Ba gure G ez da atzean geratzen, a ze arriak ateratzen diren paseak omen dira… defentsan ondo gero eta gehiago sufritzen badu ere.

Erlantz GOIBEL (7,75) Ez dakit igande goiza zelako edo zer baina beste batzutan presenteago egoten da. Igandean ikusi zen oraindik begiak itxita ematen diola baloiari buruarekin.

Pablo MEGACRAK (8,25) Berandu iritsi zen eta gure sailkapenetan horri garrantzia ematen diogu. Bere presentzia futbol zelaian eta bertatik kanpo asko handitu da.

Mesi(as) ONGIETORRI (8,5) Golarekin zituen gorabherak ahaztu dituela dirudi. Kalitate zertzeladak utzi zituen. Goizean telebistan ikusi nuena gertu zenaren aurrekari izan zen.

Trolebusa GOSETI (8) Bere gol kantitatea gizenduz doa, bi gol sartzeko beste batzuk ere kanpora bota behar dira.

Maurizzio TXINTXO (7,75) Talde barruan bere presentzia handituz doa. Larunbat gauean bere neskalagun berriarekin egon zen etxean. Bere izena A.D.S.L omen da…

Gari LOTI (7,5), Kosta egin zitzaion partidura iristea eta bertan murgiltzea. Eskerrak bere genioa batzutan taldeari transmititzen dion.

Falop IRRIBARTSU (7,75) Nabaritu zen, goiz esnatu zela eta bai aldageletan eta futbol zelaian oso presente egon zen. Defentsan irmoago aritu behar du.Urratsez urrats..

P.D1: Azken aldian esan didazuenari kasu eginez, normalean baina nota hobeak jarri ditut. Taldearen maila goruntz doan heinean ni ere eskuzabalago sentitzen naiz.

P.D2: Zer litzateke bizitza erronka politik gabe?