HANDITZEN, HANDITZEN...

Erraza izan beharko luke gaurko honetan artikulua idaztea, baina hirugarren aldia da hasiera ematen diodala eta asmatu ezinik nabil. Orokorrean sentsazio eta zapore goxoa utzi dit astebukaerak: mahai inguruko solasaldiak, lagun arte politak, Smarteko konfidentziak e.a. Penaz hartzen dut partiduaren inpugnazioa horregatik zaila da sentsazio guzti hauek txukun jartzea.

Larunbatean arratsaldeko 19:00etan Matikoxotegi futbol zelaian futbol partidu interesgarri bat jokatzen zen. Alde batetik sailkapenaren lehenengo postuan dagoen talde sendo bat eta bestalde etengabe hazten ari den gure kirol proiektua.

Ia talde guztia gerturatu ginen Intxaurrondo eta Egia artean dagoen futbol zelaira, bakarrik G handia, Merino eta Gari falta ziren. Hainbeste taldekiderekin zalantza haundia nuen nola moldatuko ote ginen, baina zorionez oso ondo atera zen dena.

Zelairatu genuen 7koa: Patxi atepean, Astudi(lo) eta Pablo atzean, Erlantz euskarri, Unai F eta Mikel hegaletan eta Trolebusa ; ez barrebusa, aurrelari. Euri zaparradari tinko aurre eginez Popes, Maurizzio eta Falop. Barrilete partidua hasi eta berehala iritsi zen.

Taldea tentsiorik gabe zelairatu zen eta horren isla 5. minuturako 2-0 galtzen gindoazela. Gure kopetak beltzeko modukoa!

Alabaina taldeak baloiaren jabetzarekin batera partiduaren agintea hartu zuen. Beraien bi lerrotan 3 jokalari jartzen zituzten eta hori ikusi genuenean kostata baina nola jokatu asmatu genuen. Maurizziok 2-1ekoa jarri zuen markagailuan eta garaipenerako lehen urratsak ematen hasi ginen.

Azken aldian taldeak gauza batzutan egin du hobera, horietako bat alde psikologikoarena da. Ez dugu erraz amore ematen eta bakoitzak taldean duen rola zein den badaki; horrela oso aurkari zaila bihurtzen gara.

Bigarren zatian gure jokoa egiten jarraitu genuen eta horrela bai Trole eta Erlantzen golei esker markagailua irauli genuen. Aipagarria Erlantzen golean Maurizziok zeinen ondo ikusi zuen tronpeta jolearen etorrera eta azken honek zeinen txukun bukatu zuen jokaldia.

Partidua 3-2 irabazi genuen baina aurkariek inpugnazioa jarri zuten gure atezaina ez zelako fitxan agertzen zena. Honetan indarra galtzeak ez du merezi...

Garaipen polita izan zen eta aipagarriena guztion inplikazioa eta parte hartzea behar beharrezkoa izan zela. Beti aldarrikatzen dut gauza bera baina zerbait izatera iristen bagara guztiongatik da. Hau indartzeko ere futbol zelai kanpoko jarduerek asko laguntzen dute, horrexegatik bereziki aipatu nahi nuke Aitzaki elkartean egin genuen afari giro bikaina.

Iosu eta Ametsen ezkontzan sortu genuen proiektu txiki hau. Erbitu genuetik honera jende asko iragan da eta era guztietako esperientziak izan ditugu. Ibiltzen ikastea kosta egin zaio baina azkeneko urtetan kirol mailari begiratuta sendo dabil.

Ume txikiek sarri abesten dute: “txiki,txiki,txikia, ikusten naiz kalean....

Nor baino nor:

Patxi TXUKUN (6,5) Taldeari bezala partiduan sartzea kosta egin zitzaion. Gero merituzko geldiketak egin zituen. Guk ez zaitugu inpugnatzen!

Astudi(lo) BADATOR? (6,25) Erritmoa hartzen ari den arren lehengo urteko U.F ez da ageri. Noiz azalduko zai gauzka.

Pablo LANGILE (6,5) Agian ez du oso atsegin hor jokatzea baina defentsan laguntzen du eta atzeko postu horietan leiha sortzea ondo dago.

Erlantz EUSTI (6,5) Bere hitzak dira pertsonalki ez zuela partidu onena jokatu. Guztiak ditugu egun eskaxagoak.

Unai HOR (6,5) Beti dago hor eta ezerezetik sortzen du zerbait...

Mikel AURRERA (6,75) Sakontasun ematen digu eta baloia hanketan duenean arriskutsua da. Batzutan baloia lehenago askatu beharko luke.

Trolebusa ONGI ETORRI (7) Je,je,je... golak sartzeaz ez zara ahaztu eta pozten naiz.

Maurizzio TALDEGIZONETAN TALDEGIZONENA (7) Honi asistentzia eta gola eransten badiogu ba...

Popes APAL (6,5) Hegaleko lana ez da esker onekoa baina txukun aritu zen. Taldearen maila hartzen ari da.

Barrileta SUKALDARI (6,75) Iritsi zenerako 2-0 galtzen gindoazen baina berdin da zelaian non dagoen, bere presentzia guztiok eskertzen dugu. Afariagatik mila esker!

Falop IKASTEN (6,5) Futbol zelaian bere lekua bilatu du eta borrokalari dabil. Hanka sartzen ikasi du.

P.D1 : Lier(ni) zure botoi aske horrek harrituta utzi ninduen.
P.D2 : Taldea sendotzeko ez dugu AITZAKIRIK.