Neurria hartuz!!

Aurtengo denboraldiaren hirugarren jardunaldian Estanko Mendizabal futbol7 taldeak bere lehenengo garaipena lortu zuen. Aurkaria saikapenaren azken postuetan kokatu zegoen gu bezala eta asko hobetu beharko dute zulo beltz horretatik atera nahi badute. Puntu gutxi lortuko dituzte baina puntuak eragiten hobeak dira…

Larunbat gauean jokatzen genuen lehenengo norgehiagoka zen. Gure ibilbide laburrak nahi argi erakusten du igande bezperan hobeto jokatzen dugula domeka egunetan baino. Taldea garaipen gosez zegoen eta hori aldageletatik antzematen zen. Batzutan gose hori antsietate ere bilakatu daiteke baina oraingoan era baikorrean bideratu genituen gure indarrak.

Atzean arazo latzekin aurkituko ginelakoan sistemaz aldatzea ere pentsatu genuen. Azkenean ez zen horrelakorik gertatu. Jokatzeko era aldatzea edo ez gutxienekoa da, horrelako elkarrizketek taldea sendotzen dute eta guztien artean erabakiak hartzen ditugunez taldearen izaera indartzen dute. Kezkatuak geunden eta horrek asko esan nahi du…

Elastiko beltza defendatzeko hamar jokalari prest geunden, beno bederatzi Toldok gorriz jokatzen baitu. Bere aurrean G ertaina eta Aranburu zeuden, Erlantz apur bat aurrerago, bere ezkerrean Falop eta eskuinean Mikel. Autobus geltokia marra zuriaren inguruan. Albo batean Popes, Pablo eta Unai geratu ziren. Pep Astudi(lo) ere gerturatu zen…

Partiduaren hasiera nahiko zoroa izan zen, agian azkarregi joaten ginen beraien porteriaren bila. Honek beraien kontraerasoak erraztu zituen eta partidua nahiko nahasia hasi zen. Lekua hartu eta patxada pixka bat izan genuenean Mikelek lehenengo gola sartu zuen. Zorionez aurretik jartzea lortu genuen. Honek taldeari lasaitasuna eman zion eta nahiz eta aurkariak urrutitik botatzen ahalegindu ziren, partidua kontrolatuta genuen.

Orduan Unaik oso ondo burutako kontraeraso bat Falopek ederki bukatu zuen eta 2-0 igoarazi zuen Matigoxotegiko markagailura. Poza, zoramena,…

Atsedenaldira emaitza horrekin iritsi ginen eta genuen emaitza kudeatzen jakin behar genuen. Partidua bideratuta zegoela zirudien baina sarri erakutsi dugu gauzak ondo egiteko gai garela baina gehiegizko konfiantzak lan guztia zapuztu dezakela.

Zorionez bigarren zatian sufritzea egokitu bazitzaigun ere, gogoan dut gure zutoinean bi baloik jo zutela, guk ere kontareraso onak egin genituen eta gol gehaigo sartzeko aukera izan genuen. Edozein gauza gerta zitekeen… orduan G handiaren 46? genialidade bat egin zuen eta sekulako baloi jarri zion autobus geltokiko marra zurian dagoenari eta honek ez zuen aukera pasatzen utzi. A ze gola!

Azkenean 3-0 irabazi genuen eta sailkapenean puntuak azaltzen diren taulatxoan 3 zenbakia azaltzen da. Garaipen honek konfinatza eragin behar du guregan, eta guztion inplikazioarekin zailagoa izango dute aurkariek gu gainditzea. Zelai gainean eta zelatik kanpo erakutsitakoagatik zorionak guztiei! Txapelketari neurria hartzen hasi gara.


Nor Baino Nor:

Toldo (7)GORRIak ikusi zituen zenbait jokalditan baina atzokoan erantzun zuen.

G ertaina (7) GORUNTZ Bigarren zatian hobeto aritu zen. Lehenengo zatian gehiago sufritu zuen.

Aranburu (7,25) ISIL Batzutan ez dakigu dagoela baina beti hor dago. Gol Tv Matin izan zenuen.

Erlantz (7,25) LANGILE Bere lana taldeak eskertzen du. Gogoratu gola sartzeko porterira joan behar du baloiak.

Mikel (7,5) GOLEGILE Gol sena badu batzutan albora begiratu beharko luke…

Falop (7,25) ERASOTZAILE Hiru bider jaurti zuen porterira… aurredenboraldia oraindik egiten ari da.

Barrebusa ((7,25) SENA Gola saru zuen eta pozik. Batzutan erabakiak azkarrago hartu eta egin behar ditu.

Pablo (8) MVP A ze poza hartu nuen atzean erakutsi zuen sendotasunarekin. Asko garestituko du atzean jokatzea.

Popes (7) GUREKIN Aurten iada partidu gehiago jokatu ditu gurekin iaz baino, ongi etorri! Gehiago eman dezake…

Unai (7,75) KATEGORIKOA Ez dut hitzik baloia hanketan duenean isurtzen duen magia azaltzeko. Erregionalekin partidu oso bat eta gero a ze erakustaldia. Bere estadistika ez zuen gizendu baina bere izena bai.

P.D:Alejandro Dumasen pertsonaia bihurtu nintzen eta zu?