BELDURRIK BAI ALTUERARI?

Igande arratsaldea da, portatila piztearekin batera almendradun Magnun helatu bat jaten hasi naiz… bizitzak eskaintzen dizkigun momento goxo hauek gozatu behar dira. Atzo jazo zena ere gozagarria izan zen.

Azkeneko jardunaldietan EM futbol7 taldeak itxura ona emateaz gain, lortutako emaitzak ere ez dira bat ere txarrak izan. Sailkapenari besterik ez zaio begiratu behar, gure taldearen azken aldiko gorabeherak zertan datzan jakiteko.

Joan zen astebukaeran zenbait taldekidek kale egin genuen eta astebukaera hau ezinhobea zen taldearen dinamika on horri jarraipena emateko. Guregan zegoen guztia jarri genuen taldearen zerbitzura, ia beti bezala, baina larunbatean gauzak oso ongi atera ziren.

Zortzi taldekide urreratu ginen Egian dagoen futbol zelaira. Merino atepean jarri zen eta atezain batek ematen duen ziurtasuna eskaini zigun beste behin, Gari eta Erlantz stoper lanean aritu ziren, Unaiek pibotearen ardura hartu zuen, Falop eta Alvarito hegaletan zituela eta aurrelar Tirolebusa barrebusa. Izar handiek egiten duten bezala gure Barrilete Kosmikoa partidua hasita iritsi zen.

Maurizzioren Afterrak ezagutzen dituen epaileak hasiera agindu zuenean partidu orekatu baten aurrean geundela zirudien. Taldeak ez zion baloiaren jabetzari uko egin eta zentzuz mugitu zuen. Taldea itxura ona ematen zuen baina ez bakarrik baloia mugitzean, defentsan eta zelaian oso ongi kokatu baikinen.

Honela Unaiek zelairen albo batean baloi hartu eta bera eta Messik hain ongi egiten duten jokaldia burutu zuen. Area ingurura gerturatu eta jaurtiketa on batek 1-0 aurreratu gintuen markagailuan. Taldeak ez zuen gehiegi sufirtzen eta beraien erasoak gure erruz sortutakoak ziren.

Atsedenaldira gustura iritsi ginen bai emaitza eta bai taldeak ematen zuen itxurarekin. Bigarren zatian lan ildo horretatik jarraitu behar genuen eta burua galdu gabe tentuz jokatu.

Bigarren zatiaren hasiera ez zen bat ere txarra izan eta Alvaritok eta Unaiek gol banarekin 3-0 jarri zuten markagailua. Garaipenak ezin zigun alde egin! Gure taldearen ibilera ezagutzen duen edonork badaki partidu lasairik ez dugula izaten. Horrela geratu zen! gure bi akatsek, edo hobeki esanda nire bi akatsek, markagailua asko estutu zuten. Markagailuak ez zuen geratutakoa islatzen baina badakizue….

Une zail horretan taldea berregin zen eta Unaiek bikainki egindako kontraeraso baten ondoren, bere pase on bat aprobetxatu zuen Falopek lehen egindako hankasartzeak konpontzeko. Bazirudien bideratu genuela partidua 4-2koarekin baina azken minutuan ere beste gol bat jaso genuen …

Epaileak amaiera adierazi zuenean taldekide batzuen ukabilak zerurantz begira jarri ziren. Pozik bukatu genuen eta egindako lanak sari ederra izan zuen GARAIPENA.

Azken boladan lortutako emaitzek taldea sailkapenean nahiko goian jarri dute. Goiko postuetan gaude eta...

NOR BAINO NOR:

Merino BERMEA (8,1) Atezain batekin kontatzea ezinbestekoa da taldearen sedotasuna eta itxura handitzeko. Lan isila baina oso ona.

Gari BORROKALARI (8,03) Astudi(lo) ez zen etorri eta taldeak nabaraituko ote zuen beldur ginen, guztiok asko eStimatzen dugu bere lana, baina Garik lan bikaina egin zuen. Oso langile aritu zen.

Erlantz EL TIRO POR LA CULATA (8,07) Oiko maila baina pixka bat apalago edo itzaliago. Gasolina falta zitzaion baina taldearen mesdetan lan egin zuen. Implikatuta era bat!

Unai MESI(AS) (8,5) Bi gol sartzea eta pitxitxi izatea bada nahikoa meritu baina taldeari ematen dion sakostasuna eskertzekoa da. Bere hitzek ondo laburtzen dute gure taldeari gertatzen ari zaiona “ Taldea era bat aldatu da nire lehenego partidutik honera...”

Alvarito NIHAT (8,25) Taldearen hobekuntzaren beste arrazoietariko bat. Langilea, azkarra eta borrokalaria.

Falop PEDRITO (8,14) Taldearen maila gora doa eta bera ere poliki poliki badoa. Defentsa lanetan hobeto baina sendoago izan beharko luke. Golaren ospakizunak ere mezua zuen. Zein?

Trolebusa Barrebusa MOTEL (8,09) Berak esana da ez zela gustura geratu egindako partiduarekin. Txispa pixka bat falta zaio.

Barrilete STAR SISTEM (8,06) Berandu iritsi zen baina beti bezala taldea orekatzen lagundu zuen. Batzutan kritika egiten du baina beste batzutan bere hitzek asko laguntzen dute. Lemazian ona!

P.D: Momentu honetaz gozatu baina ez ahaztu “ el alago puede debilitar”