Baldintzatuta!

Joan zen larunbatean E.M futbol7 taldeak bigarren faseko lehenengo norgehiagoka izan zuen. Ilusioz eta gogoz beteta ekin genion baina hamargarren minuturako guztia gainbehera erori zen.

Beste behin, ez genekien taldeak nola erantzungo zuen... astean zehar izan gorabeherak kolokan jartzen zuten gure taldea. Hala ere, guztien ahaleginei esker, talde txukuna osatzea lortu genuen. Hutsune esanguratsuena atepean genuen.

Partidu hasieran zelairatutakoak, Barrilete atepean jarri zen, agian ez genuen erabaki zuena hartu, Astudilo eta G handia atzean , Falop eta Gari hegaletan, Do Ronen fitxaketa euskarri eta nola ez Trolebusa aurrelari. Erlantz larri iritsi zenez, partiduaren hasiera zelaiaren kanpoan ikusi zuen.

Hasi orduko jabetu ginen partidu orekatua izango zela. Gure aurkarien baloiaren jabetza bazuten baina ez zuten arrisku handiegirik lortzen. Baina zortzigarren minutua iritsi zen eta partidua eta emaitza baldintzatu zuen jokaldia gertatu zen...

Denbora dezente zeraman G handiak futbol7 partidurik jokatu gabe. Bere itzuleran baloi bat eskuarekin ukitu zuen, zalantza asko ditut nahita ala nahigabe izan zen, eta azkeneko jokalari zenez gure aurkako penaltia eta txartel gorria. Amorrua, pena, ezina... burua altxatzen hasi behar genuela zirudienean beste harri koskor handi batekin topo egin genuen.

Aurkariak 11 metrotako zigorra probestu zuten eta 1-0 aurreratu ziren. Okerrena ez zen jasotako gola taldea jokalari bat gutxiagorekin geratu zela. Honela gure ahalegina partidu ahalik eta duinena egitea zen beste behin. Zazpi jokalarirekin baloia mugitzea kosta egiten zaigu ba imajinatu 6 jokalarirekin...

Zenbait momentutan aurrera egiten ahalegindu ginen eta egia esan golen bat edo beste merezi genuen. Gogoan ditut Erlantzen zenbait “ensayo” eta azkeneko pasean asmatu ez genituen zenbait jokaldi.

Bigarren zatian ere Do Ron jarri zen atepean baina jokaldi batean atzamar txikia bihurritu zuen eta Falop jarri zen atepean. Taldeak jokatzeko ahalegina egin zuen baina Helenio Herrerak esan zuenak ez du gure talderako balio.

Astebukaera honetan bigarren ihardunaldia jokatuko dugu eta ezbeharrek uzten badigute burua altxatzen hasiko gara jokalariak eta jokoa baitugu horretarako eta askoz gehiagorako.

Nor Baino Nor:

Do Ron ZERBITZARI (5,5) Azken aldian taldearen mesedetan hartzen ari den erabakiek hori diote. Bere inguruan taldea sendoago eraikitzen da. Ladillarik bai?

Astudi(lo) LANGILE (5) Defentsa lanetan lan izugarria egiten du baina fisikoki nahiko justu dago. Gora gure Pujol!

G Handia TXIKI (3,5) Esperantzaz eta pozez espero genuen zure itzulera... jokaldiak era bat baldintzatu zuen norgehiagoka. Gure taldean eta inguruan beti izango duzu toki bat.

Falop GALDUTA (5) Tokia aurkitzea kostatu zitzaion bai zelairen gainean baita zelaitik kanpo ere. Egoera berrira egokitzen hasi behar du. Gure futbol taldeko ordezko atezaina.

GARI NEKATUTA (5) Horrela etorri zen partidura. Taldeak bere indarra eta kemena behar du. Guztiok bere jarrera lehiakorra bagenu.

Do Ronen Fitxaketa TXUKUN (5) futbol zer den badaki pena da ekarri zituen oinetakoak behar bezalakoak ez izatea. Lekua harztea kosta zitzaion baina zentzua ematen ahalegindu zen.

Barrilete UHARTEA (5) Normalean gure erreferente argia bada partidu honetan gehiago. Aurrera egiteko gure ahaleginak berak borrokatutako jokaldietatik zetozen. Bigarren jokaldietan adi egon behar dugu.

Erlantza ENSAYOOO! (5,25) Ahalegintzen da taldeari sakontasun ematen eta ahal duen guztietan porterira jaurtitzen du. Gogoratu gola izateko lehenengo baldintza baloia porteri barrura joatea dela.

P.D: Astebukaera honetan Españiara noa astebukaera pasatzera. Zorte on!