AGUR ESATEKO GARAIPEN ITZELA!

Aitzakiarik gabeko garaipena. Honelako esaldi batek laburbiltzen du igande goizean Ugaldetxo futbol zelaian gertatu zena. Aurrez aurre futbol7 ligan 3 mailan azken postuetan zeuden bi talde. Norgehiagoka honetan azken aurreko postua jokoan zegoen.

Hala ere, E.Men hasieratik gaudenontzat partidua unkigarria zen. Azken urteetan gure taldean taldegizonik bada, hura Maurrizzio izan da. Otsailaren amaieran Peru aldera doa, behar handiak dituen jendearekin lan egitera. Aurtengo bere azken norgehigoka zen eta taldeak sekulako garaipen batekin esan zion : ondo izan Maurizzio!

Hamaika jokalari geunden gure omenaldi txikia egiteko desiatzen. Merino atepean jarri zen, Astu eta Elso stoper lanetan, Unai, Erlantz eta Falop zelai erdian eta Trolebusa aurrelari. A ze nolako aulkia genuena: Barrilete, Gari, Maurizzio eta Popes…

Partiduaz ezer gutxi esan daiteke 12-1eko markagailuak argi eta garbi uzten baitu bertan jazo zena. Hasieratik agintari bakarra egon zen zelaiaren gainean. Berehala konturatu ginen erraz irabaziko genuela eta horrela izan zen deskantsurako 7-0 irabazten baikindoazen.

Bigarren zatian taldeak, oso eroso sentitzen zenez, aldaketa asko egin zituen. Bitxiena gure Trolek Merinoren atea zaintzea erabaki zuela, Astu ere aurreko postuetara urbildu zen. Partidua bukatzeko 3 minutu falta zirela Falop Maurizzioren ordez atera zen eta azken honek gura txalo zaparrada jaso zuen.Zelai gainean gertaun zenarekin asko gozatu genuen; gure historia laburrean izan dugun garaipen lasaiena eta handiena izan baitzen.

Epaileak norgehiagoka amaitutzat eman zuenean gure agur festa berezia hasi zen. Taldeak kamiseta oroigarri bat eman zion Atlantikoaren beste aldean arro erakutsiko duena. Baina eskuineko argazkian ikus dezakezuenez taldekideek omendua hartu eta goruntz bota zuten. Une batez Guardiola gure artean zegoela zirudien.

Lerro hauetan zaila da nire bihotzak zer sentitzen duen adieraztea. Alde batetik pena urbileko lagun handi bat hilabete batzutarako urrun baitoa baina bestalde zertara eta zergatik doan kontuan hartuta miresmena era sentitzen dut. Irakurle zuk ere zure erara esan diezaiokezu gero arte gure Maurizziori. Idatz iezaiozu komentario polit bat.

Agur esan diogu beraz lehenengo faseari eta inauteriak pasa eta gero bigarren faseari ekingo diogu. Etorri den jende berria bai Unai eta Alvarito etortzen bada, taldearen aurre aldeari emankortasun gehiago emango diote. Guztien artean bultza egiten badugu, zerbait polita lor dezakegu! Ez ahaztu talde izaeran dagoela gure indarra.

NOR BAINO NOR:

MERINO: LANGABE (8,5) Espainian 4 miloitik gora daude … :-C ez zuen ia lanik izan eta bigarren zatian aurrean jokatzeko aukera izan zuen. Ziur ez dakizula kañoi bat zer den?

Astudi(lo) TOP GUN (8,5) Zelaian ez duen elegantzia kanpoan oman du. Troleren betaurrekoekin TON CRUISE. Azkenean gola sartzea lortu zuen. Zorionak!

Elso EROSO (8,5) Atzean hasi zen muturra okertu gabe. Bere jarrera ere eskertzekoa da.

Erlantz ARRISKUTSU (8,75) Sakontasuan ematen digu eta taldeak eskertzen du. Taldearekin inplikatuta.

Falop POZIK (8,5) Gozamenerako eguna ondo probestu zuen. Golak era ezberdinez ospatzen ditu. Hurrengoa nola?

Trole TALDEGIZONA(9) Argazkiak ditugu gure Trole atezain! Horregatik eta sartutako golengatik bejondeizula!

Barriletea ZENTZUA (8,5) Taldea aurretik zihoan bera ateera zenean baina berarekin partidua erabat hautsi zen.

Maurizzio OMENDUA (10) Orain arte egindako guztiagatik!

Popes UNGRIARRA (8,5) Bezperan hangoa omen zen. Erdiraketa itzela Toleri azken honek gola sar zezan.

Unai ISILIK (8,75) Hitz gutxiko gizona baina futbol zelai gainean oso argi ulertzen zaio.

Gari KANUTÉ (8,75) Bere egoera ez zen egokiena baina bigarren zatian atepean jarri nahi izan zuen. Potea hartzen geratu zen.

P.D: Niri ere hitzak agortu zaizkit…