EZ BEGIARTU MARKAGAILUARI!

Hilabete luzea pasa da E.M bere azken partidua jokatu zuenetik. Igandean 2010 urteari ekiteko ordua iritsi zitzaigun. Emaitzari soilik begiratzen badiogu atsekabeak gure barrena betetzen du baina norgehiagoka honetan kontuan hartzeko zenbait gauza izan zituen.

Larunbatean Blog honetan azaltzen zen konbokatoriak azken orduko aldaketak izan zituen. Julen eta Unai ez ziren agertu eta azken orduan Barrilete Do Ron etorri zen. Azkenean bertaratu ginenak: Mendizabal Estankoaren jabea atepean , Astudi(lo) eta Gari atzelari lanetan, azken hau bere sasoi onenean ez badago ere taldeak nabaritu zuen zenbait momentutan bere jokoa, Popes eta Maren hegaletan, Pujol Marti euskarri, MARTI letra handiz, eta Trole aurrelari. Falop beste behin taldearen beharretara egokitu zen.

Taldeak ondo ekin zion urteari, etengabe borrokan eta gauzak nahiko txukun egiten. Gure ibilbidea jarraitu duzuenok badakizu azken aldian beste arlo batzuteaz gain psikologikoki nahiko ahul genbiltzala. Taldeak lehenengo gol xelebrea jaso zuen eta urte berri honetan jarritako itxaropena zapuzten hasi zen. Alabaina minutu eskasetara jokaldi on bat Trolek ondo bukatu zuen; berdinketa! A ze poza.

Baina gure poztasunak ez zuen asko iraun gure beste opari batek 2-1 aurreratu baitzuen aurkaria. Azken aldian ez bezala, beste behin taldea pixka bat ikututa zegoenean Garik Gol polita sartu zuen eta 2-2 bukatu zen lehenengo zatia.

Egin akatsek eta partiduaren berditasuna ikusita, gure pultsazioak areagotu zituzten eta gure ahots kordak mugiarazi zituen. Agian deskantsua ez da gertatu denari buruz hitz egiteko unea, sortu egoerari nola aurre egin jakiteko momentua baizik…

Bigarren zatian gauzak ez ziren gehiegi aldatu. Honela aurkariak 3-2 aurreratu ziren eta gure taldeak kalitatea soberan ez zuenez ere goruntz egiten ahalegindu zen, honek suposatzen duen arriskuarekin. Indarrez bukatutako jokaldi batean Pujol Martik berdinketa jarri zuen Groseko futbol zelaian. Emaitza ona lortzea posible zen!

Amaierarako nahiko nekatuta iritsi ginen baina taldea gogotsu zegoen. Gure areatik gertu egin genuen falta baten ondorioz 4. Gola egin ziguten… Berriro berdintzen saitu ginen eta azken segunduan Falopi ate azpitik erremate bat atera zioten… ZE PENA!

Aste bukaera honetako norgehiagokak beste zenbait gauza aipagarri izan zituen: alde batetik partidua hasi aurretik aldagelan egindako irrifarrak eta bestalde emaitza alde ez izan arren taldeak erakutsitako altxatzeko nahia, horregatik

Nor Baino Nor:

Barrilete Do Ron (5,5)VINO PLOF! Gaua alde zaharrekon tabernetan iragan ondoren agertu zuen Grosen. Eskertzekoa bere jarrera merituzko zenbait geldiketa egin bazituen ere bere akatsak ere nabramenak. Azaldutako jarrera izugarria!

Astudi(lo) (6) LANGILE Beti dago atzean lan egiteko perst! Bere jarrera ere eskertzekoa bai zalaian eta baita zelaitik kanpo ere. Batzuten saiatzen da egin beharko ez lituzkeen zenbait gauza egiten...

Gari (6,25)KAKA je,je… gauean jokatutako partiduak lur jota utzi zuen. Taldeak behar ditu honelako jokalariak. Gorputzak utzi zionean eta gora egin zuenean aurkariak izutzen ditu. Ongi etorri!

Pujol (6,75) MARTI Honelako jokalariak gustatzen zaizkit euskarri posturako taldea orekatzen dutenak eta aginduak ematen dituenak. Ingurukoak hobe egin gintuen. Gure 8. Jokalaria.

Maren (5,5) TXUKUN Partidua ondo hasi bazuen ere nahiko galduta bukatu zuen. Erreflexio bat: zergatik uzten diogu etorri berri bati falta bat botatzen? Langile aritu zen…

Popes (6) KARRILERO Aurten gutxi jokatu du eta hori antzematen zaio baina partidu ona egin zuen eta azken pasean asmatu zuen. Londresen zein auzotan egon nintzen?

Trole (6) ERREFERENTZIA da luze jokatzeko eta bigarren jokaldiak soratarazten ditu. Gol sena agertzen du defensa lanak egitea kostatzen bazio ere.

Falop (6) GOGOTSU Eztarria nola duen horren seinale. Borrokatu zen eta azken orduko aukera sartu izan balu…

P.D: Sebastian bat bada zeruan…