Iragana eta etorkizuna eskutik helduta!

Igande gaua da eta gaur egin duen hotzak ganbaran dabilzkidan ideiak izoztu ez badizkit, barruan irakiten ditudan sentipenak adierazten saiatuko naiz.

Larunbatean Feliz Garin futbol zelaian sailkapeneko bigarrenek eta azken aurrekoek elkarren aurka jokatu zuten. Sailkapenari begira diferentzi handia dago eta tamalez hau guztia zelai gainean islatu zen!

Partidu hasierak zalantzaz beteta egon oi dira ez baitakigu taldeak nola erantzungo duen ez ere bakoitza zein aldarterekin dagoen. Zailtasun hauei 6 jokalari soilik egotea gehiatu behar zaio eta gainera aldagelan izandako elkarrizketa eransten badiogu...

Honela 6 taldekidek ekin genion norgehiagokari. Maurizzio atepean, Astudi(lo) eta Pujol Stoper lanean eta beraien aurrean Elso Trole eta Falop. Hasi eta bi minututara Pujolek gure atean sekulako gola sartu zuen, Arkonadak bere garai onenean geldituko ez lukeen jaurtiketa. Zalantza askorekin hasi baginen... bigarren gola ere berehala jaso genuen Unai eta Erlantz iritis baino lehen.

Azken bi hauen agerpenak taldeari beste itxura eman zion baina tamalez beranduegi zen. Aipagarria da Va tentek egindako sukaldeko lana eta era berean mirestekoa Unaiek erakusten duen jarrera eta kalitatea. Ongi etorria gure taldera!

Deskantsuan Xabi Garmendia etorri zen gu ikustera eta bigarren zatian atepean jarri zen. Eskertzekoa da Maurizziok lehenengo zatian egindako lana, a ze eskua atera zuen jokaldi batean, baina bermeadun atezain bat edukitzea funtsezkoa da baldin eta lehikorragoak izan nahi badugu.

Taldeak zenbait momentutan zertzelada politen bat egin zuen eta azkenean 3-0 galdu bagenuen ere itxura nahiko txukuna eskeini genuen. Gola egitea falta zitzaigun ; tamalez bere atezainak geldiketa onak egin zizkigun.

Astebukaera honek zenbait gauza argitzeko balio izan dit. Azken orduko fitxaketek, taldeko giroak, armailetara gerturatu ziren zaleak eta B.E.C-en igandean gertatu zena ikusita iragana eta etorkizuna eskutik helduta daude

Nor Baino Nor:

Xabi GAR MENDIA (7): Urrezko Faloparen taula kiskaliko du. Hitz bat bestea baino ozenago esaten ez duena, langilea... Egoerak eskatzen duenean tonua igotzen du eta hanka sarzten badu aitortzen du gaizki egin izana. A T E Z A I N A!

Pujol BORONDATETSU (5) Jarrera oso ona taldearekiko baina joko maila ez da hain ona. A ze gola sartu zigun gure atean. Ilusioa egiten dit Dimitri deitzeak, egunen batean kontatuko dut ezizen hau nondik datorren.

Astudi(lo) INPLIKATUTA (6) Era bat gainera! Bere lana eskertzekoa baina fisikoki goruntz egin behar du. Partidu osteko elkarrizketak bere jarrera nolako den adierazten du. Bejondeizula!

Maurizzio ZUZEN (6) Goxo goxo egotetik partidurako transizioa gogorra egin bazitzaion ere merezi izan zuen. Lehen zatian ahal zuena egin zuen eta bigarrenean zenbait momentutan agerian utzi zuen hainbeste espero dugun jokalaria etortzear dagoela.

Elso ANARKO (5,5) Zelai gainean eta zelaitik kanpo. Partiduak ondo pasatzeko al dira soilik? Ez nuke beste sasi debaterik zabaldu nahi!

Unai MESI(AS) (6,5) Bere jokatzeko erak eta duen kalitateak partiduak estu doazenean poz handiak emateko modukoa da. Neguko merkatuan a ze nolako fitxaketa egin dugun.

Falop GOGOTSU (5,5) Gogoz etortzen da baina nahiko buru makur joaten da... Taldeak gozamen iturri izan beharko luke! Aurrera begira makal eta defentsan sufritzen du.

Va Tente SUKALDARI (6,25) Sukalde lanak eta jarrera aldaketak aipamena merezi du. Zelai gainean nahi du...

Trole MOTEL (6) Gola falta zaio eta kontrola eta gero zer egin ez daki… Txispa eta gol sena berreskuartu behar du. Bakoitzak bere funtzioa du taldean.

P.D : Gu ikustera urbildu zen familikide gazte batek zer esan zidan : ¡Unai los del equipo no te pasan !...