IGO NAHI DUGU!

Aste bukaera honetan futbol7 jardunaldia bertan behera geratu da. Anoetan Erreala eta Betis aurrez aurre egon ziren eta ohikoa ez izan arren, partidura joateko aukera izan nuen. Futbola ikusi orduko ganbara lanean hasten zait.

Egun batzuk daramatza Euskal Herriak hotzaren menpe eta igande goiza ere horrelakoa izan zen. Goizean goiz jeiki eta hainbeste gustatzen zaidana egin nuen: egunkarien berriekin ebaki on bat hartu eta lasai lasai hasi eguna.

Partidu hasieratik antzematen zen igandekoa 2. mailako partidua arrunta ez zela. Horrela jarraituz gero, urrengo denboraldian honelako asko izango ditugu.

Ez naiz partiduetara joaten normalean baina zertxobait jarraitu dut Errealaren ibilbidea. Hori dela eta Lasartek zelairatutako hamaikakoak ez ninduen arritu baina zenbait postu begiratuta zenbait zalantza sortzen zizkidan.

Bravok jokatu zuen atezain, Estrada Ansotegi, Labaka eta Mikel Gonzalez atzekaldean, asko idazten da aurreko zenbait jokalariek duten kirol mailaz baina hauena ez da atzean geratzen. Zelai erdian Rivas eta Elustondo euskarri bikoitzean eta beraien aurrean Nsue ezkerrean, Xabi Prieto eskuinean Zurutza punta erdi lanetan eta Bueno aurrelari.

Baloi horia biraka hasi eta berehala zuri urdinek baloiaren jabetza hartu eta baloia zentzuz mugituz aurkarien atera urbiltzen hasi ziren. Momentu horretan jakitun ginen Errealak gola egin behar zuela gero sufritu nnhs. Minutu horietan aipagarria da Zurutuzak erakutsitako jokoa. Bere hanketatik ateratzen den futbolak dizdira berezia du.

Gola egitea kosta bazitzaigun ere azkenean 1-0 aurreratzea lortu genuen Buenok sartutako gol bati esker. Atea aurrean eta baloiarekin oso trebea ez bada ere a ze lan eskerga aurrelari honena. ¡Que Bueno que viniste!

Guztia ez zen ona izan. Lehenego zati honetan taldeak zenbait gora behera izan zituen eta gure atezainak zenbait geldiketa egin zituen. Gainera euskarri eta defentsen artean behain baino gehiagotan lasai asko muigitzen zen eta zenbait arazo sortu zizikigun.

Atsedenaldira 1-0 iritsi ginen eta sentaszioak ez ziren txarrak baina berdinketaren harriskua hortxe zegoen. Bigarren zatiari taldeak beste era batean ekin zion. Defentsan sendo eta posible baldin bazen kontraerasoren batean bigarren sartu.

Betisek goruntz joan nahi zuen eta estu hartu gintuen baina ez zuen benetako aukera garbirik egin. Honela kontraeraso batean Xabi Prietok 2-0eko igoiarazi zuen Anoetako markagailura. Z O R A M E N A ! P O Z A !

Jardunaldi batzuk besterik ez dira falta lehenego itzuli bukatzeko eta Erreala sailkapenaren lehenengo postuan dago joko maila ona eginez gainera. Errealzaleek gauza bera eskatzen diote Olentzerori:

Nor baino Nor:

Bravo BERMEA (7) Bigaren mailan dagoen atezain onena. Ziurtasuna ematen dio taldeari. Geldiketa onak lehenego zatian!

Estrada TXUKUN (6,5) Defentsa lanetan txukun. Ez zuen partidu onegirik egin baina partidu amaieran ondo aritu zen.

Ansotegi HESIA (6,75) Denboraldiak daramatzak zelantza dezenterekin, baina aurtengo honetan defntsaren errege bilakatu da.

Labaka LAGUNTZAILE (6) Agian ezin du defentsaren zama berak eraman baina laguntzeko eta bigarren mailan aritzeko oso lagungarria.

Mikeol Gonzalez ZUZEN (6) Gure futbol7 taldean gertatzen dena hemen ere ematen da. Agian ez da berak jokatzeko tokirik egokiena.

Rivas OREKA (6,5)Taldea asko orekatzen du. Ezin diogu eskatu baloia oso ongi mugitzea. Bere mugak dauzka eta jakitun da.

Elustondo TALDEGIZONA (6)Ingurukoak eta taldea sendotzen asko laguntzen du.

Zurutuza ETORKIZUNA (6,25)Lehengo ordu laurdenean erakutsiatko jokoak maitemindu ninduen. Lesioek gehiegi zigortzen ez badute badugu 10a

Ensue POTENTE (6) Borrokalari aritzen da, baina ezker hegala ez da bere tokia. Potente abada, buruz ondo doa baina baloia hanketan duenan asko jeisten da.

X Prieto Q de ... (7,5) Taldeak aurreran egiten duenean bere hegala erabili oi du. Bikainki amaitu zuen bigarren gola! Guztion artean zaindu beharreko bitxia .

Bueno AZERIA (7) Honelako jokalariak ere talde guztietan egon behar dira. Gola sartzeaz gain talde gizon petoa eta oso azkarra.

Grizman GRISMAN EPEL (-)Hankak lurrean baditu ona omen da baina atzokoa ez zuen aukera handirik izan.

Aranburu AULKITIK (-)Minutu gutxi egon zen zelaiaren gainean, baina oso langile aritu zen.

P.D Gora Erreala eta Urte berri on!