Norberaren atxikimendua zertan datza?

Aste batzuk neramatzan blogean ezer zintzilikatu gabe… hainbat gorabehera tarteko ezin izan dut Estanko Mendizabalen futbol7 taldearen bilakaera gertutik segi. Hala ere, nire ordez idatzi dutenek oso ondo bete dute beraien lana, hori dela eta bejondeizuela!

Larunbat ilunabarrean gaueko 21:15ak baino lehen gure norgehiagoka hasi zen. Bertaratu ginenak jokatzera 9 guztira eta ikustera 3… Merinoskoven lagun bat aritu zen atepean eta batzutan zalantzak sortzen baditu ere, jokatzen dugun mailarako balekoa da. Astudi(lo) atzean stopper lanetan, urtengo U.F irabazi du!, Lander apaizak ahal zuen neurrian lagundu zuen. Barrilete euskarri, zato gehiago da gaur egun, Merino eta Julen sssss! hegaletan eta Barrebusa aurrelari. Popes eta Merinoren beste fitxaje bat zelai kanpoan ganorazko aldaketak eskaintzeko asmoz.

Maider eta ni iritsi ginenerako markagailua aurka genuen. Hasiera ,beraz, ez zen bat ere ona izan .Lehenengo zatiak ezer gutxi du aipatzeko, taldearen nahia eta ezina… Bigarren zatia bestelakoa izan zen eta 2-1 galdu izan arren, baloia denbora gehiago zegoen aurkariaren arean gure atean baino. Gol aukerak izan genituen, Merinoskovek penalti bat huts egin zuen, Barrilete Do Ronek ere bere aukerak izan zituen eta Barrebusak gola sartu bazuen ere beste aukeraren bat izan zuen aurkarien atea zulatzeko. Eskerrak gola sartu eta arraun egiteari ekin ziola Matikotxotegiko harmailetan geunden jarraitzaileen pozerako.

Azken asteetako artikuluak irakurrita, argi geratu da denboraldia luze egin zaigula eta taldearekin konpromiso handiagoko jokalariak behar ditugula. Konpromisoa aipatu dut, norberaren egoera pertsonalak adieraz dezake zein puntutarainoko atxikimendua dugun, lana del a eta, entrenatzaile izateak,e.a.. Denboraldi hasieran eta amaieran taldea dezente aldatu da, hori ez da txarra baina taldearen oinarriak sendoagoa izan beharko luke. Hori dela eta afari edo bazkari bat egin behar dugu norberaren egoera zertan datzan azaltzeko eta egin beharreko mugimenduak egiteko.


Nor Baino Nor:

Aitor BERMEA? (5,5) Jokatzen dugun kategorian aritzeko maila ematen du. Datorren denboraldirako ba al dugu atezainik?

Astudi(lo) URREZKOA (6,5) Aurtengo denboraldian egin duen lan eskerga izugarria izan da eta horrek bere saritxoa izango du U.F garailea. Bi arlotan gainera bai zelai gainean eta kanpoan gainontzekoekin erakutsitako gizatasunarengatik.

Lander apaiza LANGILE (5,5) Eskertzekoa da beti laguntzeko prest egotea. Lana txukun egin zuen, talde gizona.

Barrilete Do Ron TXIKITZEN (5,5) Nahaia eta ezina… taldearekin gertatzen zaio, baita bere buruarekiko ere. Aurten zato izaten ari da.

Julen (5) SSSSSS! Defentsa lanetan txukun baina eraikuntza lana egitea kostatzen zaio. Denboraldia iragan da eta oraindik egokitzen ari da.

Popes (5,5) NEURRIAN Bakoitzari ahal duena eskatu behar zaio. Figuratzea ez zaio gustatzen baina beti ari da lanean.

Merinoskov (5,5) NAHAIA Ahalegintzen da ahal duen neurrian gorontza egiten baina bere doaiak ez dira horixek…

Barrebusa (5,5) GOLEGILE Aurrelariari golak egitea eskatzen zaio eta horixe egin du lehengo denboraldian baina gol bat gehiago. Forman ez egoteko ongi ezta?

Iker (5,5) GOGOTSU Ez dakit bere izena hori den baina tipo luze horren lana eskertzekoa da, gogoz dator eta taldekideen mailan aritu zen


P.D: Bukatu da bukatu da, bukatu da se akabo!