HUESKANAL

Astebukaera honetan Hueskan gertatu dena ongi islatzea zaila izango da. Hala ere, saiatuko naiz bertan egon ginenei zenbait oroitzapen berbizitzen eta hemen geratu zinetenei nola ibili ginen kontatzen.

Azken aldian, zenbait gora behera tarteko, ingurukoengandik deskonektatzea beharrezkoa sentitzen nuen. Aldarte horrekin arratsaldeko 17:45tan geratu ginen Hueskara abiatzeko asmoz. Zita honetara Popes, Lier(ni), Maurizzio, Astudi(lo), Maider eta Falop agertu ginen. Beste biak, G handia eta Trole, hemen geratu ziren baina gurekin egon balira bezala izan zen. Jesuuuuuuuuuus hori da mobil dantza ostiral gauekoa!

Bi kotxeetan egin genuen bidaia. Gure kotxe grisean Maider, Maurizzio eta Falop joan ginen. Ia hiru orduko bidaiak elkarrizketa mota ezberdinetarako beta ematen du. Gauza bat oso argi geratu zen, bizitzaren abentura honetan bidaikide onak aukeratu ditudala.

Iluntasunak arratsaldeari argia kentzen zionean iritsi ginen Hueskara. Hostatu hartu genuen tokira urbildu eta logeletara igo ginen. Bikote bakoitzak logela bana, beraz, bi gela “hetero” eta bat “homo”. Orduan hasi zen armairu dantza...

Afaltzera atera eta bapo bapo jan genuen. Aragoi entsalada ez zen beste paleteren pare egon, ze pena! Afaloste polita izan genuen eta piskanaka guztiek eraiki dugun mikrokosmos horretan murgiltzen hasi ginen. Mahai atzean zegoen koadro erraldoi batean kortxo pila bat zeuden, zetozkigun egunen adierazle, ulertzen?

Beranduago inguruan zegoen garagardotegi batera urbildu ginen. Bertako langileei “mis simpatia” titulua ematea erabaki genuen. Ez dut adierazpen xenofoborik egin nahi baina zerbitzariaren azala eta umorea paretsu.

Larunbatean Rafftinga egin genuen Murillo de Gallegon. Euskal Herriko beste probintzia bat zirudien euskaldunez inguratuta baikeunden. Gurekin egon zen monitoreak Eneko zuen izena eta oso atsegina izan zen gurekin. Uretan pasa genuen ordu eta erdi eskax hori polita izan zen eta gure taldeak izan beharko lukeen metafora. Guztiak norabide berean, koordinatuta eta sortzen diren arazoei elkarrekin aurre egiten. Gogora ezazue Falopsofiaren lehenengo esaera: talde izaeran dago gure indarra.

Ohiturari jarraiki, farre algarak ez ziren ur gainean bukatu. A ze nolako espektakulua dutxetan eman genuena... argazki kamararen zoomak lan handia izan zuen.

Bazkaldo eta gero Riglos herrira joan ginen. Kafea hartu eta bertan zegoen emakume batek argazki ederra atera zigun Arriglo polita egin zigun! Beranduago Loarreko gaztelura txangoa. Ingurune honetara urbiltzen bazarete egin beharreko bisita. Lehenengo urtean izan nuen toki hau ezagutzeko parada eta oilo ipurdia jarri zitzaidan... Eraikuntza honek badu leiho bat erraz ahaztuko ez dudana, paiasaia eta historiak elkarrekin ageri direna. Sartu aurretik Loarrepentidos musika taldearen argazkia atera genuen.

Gauaz eta igandean geratu zenaz hurrengo astean jarraituko dut.



Nor baino Nor:

Lier(ni) PIRULINA (8) Abestiaz gogoratze? Ez dut ahaztu argazki kamararen zooma zoratu zuen Suezeko kanala. Bizitzaren zebait esparrutan eraikitzaileagoa izatea komeni da.

Maider BIDAIKIDE (8) Bizitzak eskeini didan bidaikide onena. Zoragarria da hainbeste gauza elkarrekin pasatzea. Muack!

Popes ENERGY (8) Bihotz izugarria duen gizasema. Zenbait momentutan energia falta bazitzaion ere, txango honek berretsi dit alboan nahi zaitudala.

G Handia NECATi (8) Ostiral gauean Donostian iragan zuen eta lo gutxi eginda etorri zen. Beti bezala hankak lurrean. Galdetu gelakideei lo egiteko zein nolako gelakidea den.

Astudi(lo) ONGI ETORRI (8,25) Gure artean zein ondo integratuta dagoen baieztatu du. Bere ezizenari kasu eginez 2 aldiz! lo hartu zuen itzulerako bidaian. Ongi etorri Falopen mundura!

Trole ARIMA (8) Umoretsu, alai... bere hitz jokoa baloia buruaz jotzen duenean bezain ona. Potolo ordez Purov...

Maurizzio RED BULL (8) Ezizena oso ondo jarria du baina ez soilik nire umoreari farrez erantzuteagatik. Datozkizun abentura berrietan zorte onena opa dizut!. Lekukoa...

Falop GUSTURA (8) Zuekin nagoenean nire umorea biderkatu egiten da. Deskoneksiotik koneksiorako bidea egitea ez da hain erraza.

P.D: Momentuak bizi behar dira, pasatzen direnean gurekin geratzen badira ere, indarra galtzen dute.