KRISIA

Kronika Trole jaunaren eskutik errespetu askorekin...

Azken aldian hain modan dagoen hitza gure taldera iritsi dela esan al genezake??

Larunbata 18.00tan Zubietan jolasteko elkartu ginen 8 lagun. Bagenekien ez genuela atezainik izango eta honek giroa piska bat arrarotzen zuen. Zozketaz erabaki behar genuen.

Nire ustetan gauza hauek aldagelan egin behar dira, ezin gera bakoitza bere aldetik zelaira atera eta partidua hasi baino minutu bat lehenago erabakiak hartzen hasi. Nire proposamena argia da: Zazpikoa eta beste beharrezkoak diren gauzak zelaira irten baino lehen egon behar dute erabakita.

Du Ron-ek bere burua proposatu zuen lehen zatia atezain bezala ( “+” bat berarentzat) eta zozketak Astu izendatu zuen bigarren zatirako.

Modu honetan, eta kontzentrazio gutxiz atera zen zazpikoa hau izan zen: Du Ron atezain, Astu eta G Handia atzean, Maurizzio pibote, Espi eta Julen hegaletan eta Trole aurrean. Popes jauna alboan geneukan bere aukeraren zai.

Partiduaren hasiera guztiz makala izan zen, motel genbiltzan eta burua ez geneukan egon behar zen lekuan. Hala ere, nahiko ordenatuta egon ginen eta zati hau parekatua izan zen. Esan behar da, beraiek benetan txarrak zirela. Horrela 0-0 iritsi ginen atsedenaldira.

Bigarren zatian Du Ron pibote jarri zen eta erasoan nabaritu genuen, aukera gehiago egin genituen baina ordena galdu genuen. Dena reboluzionatu zen. Maurizziok gola sartu eta aurretik jarri ginen. Gauza bideratzen zihoala zirudien baina beti bezala...
Tokiak galduta genbiltzan eta bi jokalditan 2-1 jarri ziren aurretik. Berriz ere betiko mamuak agertu ziren. Ura nahastua jarraitzen zuen eta Trolek kaña atera eta zast! Amuarraia!! Geroxeago Lisensiatuak gol petrala sartu zuen, baina badakizue... berdin berdin balio dute. Ondorioz 2-3 aurretik geunden. Bukaera arte partidua nahasia jarraitu zuen baina azkenean emaitzari eutsi genion.

Egia esan hori izan zen partiduko gauza on bakarra... EMAITZA.



Nor baino nor:

Du Ron TXINATAUN!!! (4,75) – Atezain aurkezteagatik (+1), Equipoaren erasoa suspertzeagatik (+1), Partidu amaieran galdu zituen baloi arriskutsuengatik (-1), zeukan txineak partidu amaieran izan zuen eraginarengatik (-2). Dagoenean taldeak ASKO eskertzen du, aurten pixka bat reboluzionatua dago, zer moduz yoga sesio batzuk?

Lisensiado BIGOL MAURIZZIENSEN (5,5) – Bi txitxarro eta erdiraketa fin batzuk. Nahikoa partiduko MVP-a izateko. Ezkerradean euskarri baino hobeto.

Astudil LO (4,75) – Partidu hasieran non zebilen ez zekien. Arrazoi zuen gauz batean; minutu bat lehenago ezin dira gauzak erabaki. Gerora taldeak bere defentsa lana eskertu zuen. Bigarren zatia atezain eta kunplitzen.

Espi REVOLUTION MAN (4,75) – Kemena dario, bain kontrolatu behar du. Arbitroari kalera joateko moduko pare bat gauza esan zizkion. Eskubitik indartsu. Carl Lewis-en iragarki batek zioen bezala… “La fuerza sin control…”.

Popes TOKIAN (4,75) Kontroletan huts egin zuen. Eskertzekoa da lehengo denboraldiarekin konparatuz duen jarrera. Txinataun-en papera galdu du. Segi horrela!

Julen JULEN?? (4,75) Deitaile politak ditu momentu batzuetan, bestetan aldiz desagertzen da. Partidu askotan bezala “sin pena ni gloria”.

Big G (4,75) Defentsan nahiko ondo. Hala ere, baloi kritikoren bat galdu zuen. Honi beste alditan bezala patata moduko pare bat pase gehitu diezaizkiokegu. Igoera honak ere egin zituen.

Trole POTOLOV (4,75) Kilo batzuk hartu dizkigu eta notatzen hasten da. Golarekin hartu emana berriz ere eduki zuen. Hala ere, bere momentu hoberenetik osooooo hurrun dago. Batzuetan jeitsi zen baina palomero moduko jokaerak darrai.


P.D.1. Ikusten dezutenez errebisiorako nota asko. Aranburu libratzen da, beste guztiak irakaslearen despatxora lehen bait lehen. Ah! Ez ahaztu belaunetakoak.

P.D.2. Krisia egoera orokorrak dakar, ez jokoak bakarrik... ERNE!