BIDE BERRIAK ZABALDUZ

Larunbat gaua nahiko hotza izan zen. Zeruak eta iluntasunak partiduan gertatu zitekeena islatzen zuen baina zeruari ondo erreparatuta izarren distirak eta bezperako ilargia osoaren arrastoak iluntasunean argi ematen zuten.

Argi horri eutsi nahirik 10 lagun elkartu ginen futbol7 partidua jokatzeko. Hasieratik gure aurpegiak etsipena eta ezinegona adierazten zuten… atea zaintzen ez genuen bermedun atezainik, hori uste genuen behintzat, bertaratutakoak gogoa eta kemena bai baina baloiarekin aritzeko zailtasunak izango genituen eta gainera sailkapeneko 2.ak aurrez aurre genituen.

Partidua 19:30tan hasi zen nahiz eta epaileak 5 minutu lehenago hasi nahi. Atepean Lisensiatu Aran jarri zen beste behin taldearengan pentsatuz bere buruan baino, guztiek egiten al dugu hori?, atzean Astudillo eta Lander apaiza, G handia euskarri , Julen eta Iñaki Oseisen anaia hegaletan eta Ian Luka Trole aurrelari. Beroketa saioa luzatu behar zuenez Falop hasieratik ez zen zelairatu. Bere alboan Oseis zegoen taldekideei aginduak emanez eta ahal zuen moduan laguntzen… bejondeizula!

Aurkariak talde sendoa zuten, atzealde irmoa eta atezain ona. Gainera fisikoki ondo prestatuta zeuden. Hasieratik ez zuten baloia mugitzen jakin eta norgehiagokona nahiko orekatua hasi zen. Beraiek aukera pare bat izan zituzten baina Lisensiatu kañetek egindako geldituei esker bizirik iraun genuen denbora luzez. Gainera noizean behin sustoren bat ematen genien.

Tamalez lehenengo zatia bukatu aurretik 1-0 aurreratu ziren eta taldeak aurrera egin nahi zuen eta bide berriak bilatzen hasi zen. Bigarren zatian taldeak aurrera derrigor egin behar izan zuen eta aurkariek ondo probestu zuten aukera eta horrela logikoa da azkeneko 4-0etakoa.

Emaitzak etsipenerako bidea zabaldu dezake baina dutxetan gure gorputz ederrak bistan genituela, zelaian egindakoaz harro egotekoa modukoa izan zela hausnartu genuen. Bide berriak zabaldu ziren larunbatean, G handiak zelai erdian jokatzeko gaitasuna duela erakutsi zuen, Falopek eta Julenek area barrura erdiraketa txukunak bota zituzten… etorri ez zirenek ez dute lo hartu behar atzetik gatozenak ere ez baikara hankamotza.

Datorren aste-bukaeran sailkapenaren zuloan dagoen talde baten aurka jokatuko dugu. Nor garen eta nola jokatu behar dugun baldin badakigu beste urrats bat eman dezakegu eta bide berriak eraiki eta kirol proiektua sendotu.

Nor baino Nor:

Lisentziatua: HANDIA (6,25) Zelai gainean ere handi bilakatu zen, zelaitik kanpo are handiagoa… taldearekin era bat inplikatuta!

Astudillo ORMA (5,25) Defentsa lanetan zoragarri, baloi dezente moztu zituen.. gure behia? Momentuz behorra.

G Handia EUSKARRI (5,5) Aurtengo u.f lortzeko bere hautagaitza aurkeztu zuen. Egoerak eskatzen duenean galoiak hartzeko prest.

Lander Apaiza BORROKALARI (5,5) Etengabe borrokatzen aritu zen eta ahal zuenean baloia gorantz igotzen ahalegindu zen.

Julen AUSART (6,5) Hau da ikusi nahi dugun jokalaria, bai zelaian baita zelaitik kanpo taldearekin inplikatuta. Baloi guztiak ez dira aurrera pasa behar...

Iñaki DEZENTE (5) Eskertzekoa Oseistarrek erakutsitako inplikazioa. Mila esker biei! Bejondeizuela!

Trole: ANTZU (5) Ez zen bat ere erraza defentsa horren aurrean merituzko jokaldiak egitea, asko borrokatu zuen. Partidu amaieran ETBko 3 pailazoez gogoratu zen lehenengoaz batik bat.

Gari: SATELITE (4) Iritsi zenerako partidua erabakita zegoen…

Falop: Txukun (5) fisikoki justu… bi erdiraketa on, amago polit bat. Jokatzeko era berria?

P.D: Gure herrian bide berriak zabaldu behar dira …