Behelainoaren atzean ...

Igande honetan urteroko usadioari jarraituz Iruran Kilometroak festa antolatu zen. Bertara, euskararen alde ibilbidea egitera, jende andana gerturatu zen... euskarak bere bidea egin behar du eta guztiok behar gaitu. Estanko mendizabal fubol7 taldearen ibilbideari ere antzeko zerbait gertatzen zaio.

Goizeko 8:00tan iratzargailuak jo zuenean, ez nuen bat ere gogorik Beasainera joateko eta are gutxiago futbolean aritzeko. Pena handiz, ohekidea bertan utzi eta Anoetako dorre handira gerturatu nintzen peroidiko eta guzti. Lehenengo atsekabea!! Bruesaren estreineko partidua ACBn eta esku hutsik bueltatu ziren Pablo Lasoren mutilak.

Nahiko puntual Aritz Lisentziatua eta Crazy Meri agertu ziren. Gure inguruan neskatxa "bero" bat zebilen, gau pasaren arrastoak antzematen zitzaizkion. Gure gau pasa egileak Andy Pankoren antza hartu zuen baina saskia urrun geratu zitzaion.Barrilete eta Popes ere bertaratu ziren, eta han geundenok Beasainerako bidea hartu genuen.

Kotxe batean Lisentziatu Panko, Popes eta ni sartu ginen. Bertan hitz egindakoa bertan geratuko da baina honelako momentuek zentzua ematen diote bai kirol jardunari baita bizitza berari ere.Bejondeizuela!

Domeka goizek beldurra sortu oi dute. Ez dugu jakiten taldekideak zein egoeraten agertuko diren eta zalantzak oikoak baina handiagoak izaten dira. Joan zen astebukaeran partidua hasi aurretik bazen esperantza izateko adierazleren bat edo beste: Barrilete, Espi, taldekideak nahiko egoera txukunean...

Zelairatu genituen 7 jokalariak: Merino atepean, G handia eta Astu atzean, Barrilete euskarri, Espi eta Popes hegaletan eta Lisentziatu Panko aurrelari. Gari eta Falop zelai ertzean adi, ateratzeko aukera noiz iritsiko zain!

Norgehiagoka nahiko orekatua hasi zen eta taldeari tokia ondo hartzea kostatu bazitzaion ere aurrera egiten ahalegindu zen. Ahaleginak eta zelai gaineko aktoreek zerikusi zuena izaten dute. Lehenengo gola jaso genuen eta Espiren jokaldi on batek 1-1 igo zuen markagailura. Gure pozak gutxi iraun zuen handik gutxira 2-1koa sartu ziguten eta honela bukatu genuen lehenengo zatia. Sentsazioak ez ziren txarrak baina beharrezkoa zen urrats hori ez genuen ematen.

Bigarren zatian taldeak partidua irakurtzen asmatu zuen eta garrantzitsuena norberak taldean duen errola bazekien. Honela Gariri legezko gol bat anulatu zion epaileak, baina hurrengoan bai asmatu zuela... konturatzerako 3-2 aurretik geunden Gariren eta Barrilete nekatuaren golei esker. Aurtengo estreineko garaipenera urbiltzen ari ginen... Falopek jaurtiketa bat egin zuen eta atezainaren laguntzarekin ate barrura joan zen eta 4-2 aurreratu ginen.A ze poza! garaipena ia eskutan eta falopen zoramena! Atz lodia ahora eraman zuen eta saltoka hasi zen.Gertukoek soilik dakite keinu horren zergatia. Inguruko irrifar axolagabeek niri bost! Aurkariak estutu gintuen baina haien joko enbatari ondo eutsi genion.Lisentziatuak taldearen 5. gola sartu zuen eta norgehigoka erabat bideratu genuen. Azkenean 5-3 irabazi genuen!

Orohar taldeak igorri zituen sentsazioak onak izan ziren. Normalen gure aurrelaria erreferentzi argia da gure jokoarentzat baina atzo taldeak bi ezaugari izan zituen mugikortasun handia eta jokalareien polibalentzia.

Euskarak bere alde urrats asko behar ditu, gure atzoko partidua gure ibilbidean beste pausu bat izan zen. Bidean geundela behe lainoen atzean eguzkia antzematen zen, baten batek ilargia ikusten bazuen ere.

Nor Baino Nor:

Merino SEGURU (7) Zein garratzitsua den beremea duen atezain bat izatea! Asteburu honetan ere merituzko geldiketak.

Astudillo TEMATI (6,5) Saiatzen da eta defentsan sendo dabil baina baloia duenean gehiegi gidatzen du.

G handia HELDUTASUNA (6,75) Jokalariak heldutasunera iristen direnean urte onenak ematen omen dituzte. Txukun!

Barrilete Do Ron KAPIATAINA (6,75) Partidurik onena egin ez bazuen ere, taldeak bere presentzia nabaritzen du. Gure zelai gaineko arima!

Espi KALITATEA (7) Jokalari bakoitzak bere ezaugarriak ditu, eta bere azkartsunaz gain kaliatea du. Futbolean jokatzen daki eta poztasun handiak emango dizkigu. Zorionak debutarengatik eta sartutako golarengatik!

Popes GORUNTZ ( (6,5) Lehenengo hogei minututan ikusitakoak denboraldi osoan zer eman dezakezun adieraz dezake. A ze geldiketa egin zizun atezainak!

Gari MOTORRA (7,25) Zilindrada handikoa eta edozein tokitarako egokia. Sakontasun eman zigun indarra emateaz gain.

Lisentziatu Panko NEKAT(U)(I)TA (6,5) Bilabonan sartu ez zuen gola Beasainen sartu zuen. Bigarren zatian nekeak bere jokoan eragina izan zuen.

Falop BIDAIKIDE (6,5) Aurredenboraldian agindutako 4 goletatik lehenengo sartu zuen. Horrenbeste ajola al du nola ospatzen ditudan golak? Hobe da gauzak bizitzea eta ez...

P.D: Garaipen gosez dago taldea, baina noizko lehenengo afari edo bazkaria?