ARNASA GALTZEKO MODUKOA

Larunbat honetan Estanko Mendizabal futbol7 taldeak 2008/2009 denboraldiari ekin zion. Guztiok dakigu aurtengoak zenbait aldaketa dakartzala eta ilusioz aritzeko urtea izango dela uste dugu. Merinoren fitxaketak atea zaintzen izaten dugun gabezia arindu dezake , Julenek indarra eta sakontasuna ekar diezaguke eta Espirena aurtengo galdera ikur handiena da, gainontzekoek gure maila lortzen badugu...

Larunbat gaua ez zen bat ere ondo hasi, Anoetatik zetozen berriak ez ziren bat ere onak eta pixkanaka pixkanaka puzten ari zen globoari lehenengo zulotxoak atera zitzaizkion. Bazen gure taldearekin antzekotasuna zuen zerbait Futbol zelaiko egitura zaharrari aldagela berriak jarri dizkiote, eraikuntza zaharra eraberrituta.

Gure aurkariak ezagunak ziren, Jabi Martin eta bere koadrila. Beste noizbait jokatu izan dugu beraien aurka eta oker ez banago berdinketarekin amaitu genuen. Aldagela eraberrituetan geundela jakitun ginen zein nolako taldea generaman baloia nekez jokatuko genuela.Hau guztia partidu hasierako galdera batek laburbiltzen du: zeinek jokatuko du euskarriaren postuan?...

Zelairatu genuen 7koa: Merino atepean, Gari eta Astudillo atzean, G handia euskarri Julen eta Falop hegaletan eta Trole aurrelari. Partidua hasi eta berehala OSEIS handia iritsi zen. Taldeak bazekien defentsan sendo aritu behar zuela eta atea hutsean mantenduz gero aukeraren bat edo beste izango genuela gola sartzeko.

Lehenengo zatia nahiko orekatua izan zen, bi taldeek izan genituen golak sartzeko aukera eta amaieran 1-0koa sartu ziguten korner batean Falopek eta Osesek defendatu beharreko gizonak bakar bakarrik errematatu baitzuen.

Deskantsuan hitz egin genuen baloi luzeekin min egin geniezaiekeela eta baina, konturatzerako 3-0 aurreratu ziren eta gol dezente jasotzeko arriskua antzematen zen.Baloi luze bat bidali eta harrigarria badirudi ere Trole atezaina baino lehenago iritsi zen, orduan biek tupust egin zuten eta Ian Luka lurrean geratu zen ezin arnasa harturik. Gure taldearen metafora zen, lehenengo partidua, arnas estukoa eta lurretik altxa nahirik... Penaltia Jan Luka Trolik bota zuen eta 3-1 jarri genuen. Jarraian taldeak zenbait gol aukera izan zituen eta bigarrena sartu izan bagenu emaitza bestelakoa zatekeen. Taldeak nahi izan zuen arren ezin izan zuen eta beraien kontraeraso batek partidua erabakita utzi zuen 4-1ekoa markagailura igoaraziz.

Nor Baino Nor:

Merino: ZUZEN (6) Baldin eta partidu askotara badator atean genituen arazoak bukatu dira, MERItuzko zenbait geldiketa egin zituen. Huelvan Asier Arriskuk jokatzen du ,ba Estanko Medizabalen Merinorekin ez dago arriskurik.

Astudillo:GURARIA (4,5) Ra erabili dut eta ez Da... Nahi du, ahalegintzen da eta bere horretan badoa. Taldegizon ona.

Gari: INDARRA (5,5) Aurten izango dugun hobekuntzan bera arduradun nagusienetako izatea espero dut. Indartsu eta boteretsu jokatzen du baina taldeak ez dio etekinik ateratzen.

Mikel: TX (5) Ba omen daude debekatuta dauden zenbait kontzeptu...Saiatu egin zen baina bakoitzari bere eskatu behar zio.Futbolinean erdi purdikoa eta futbol7an...

Oseis: GOGOTSU (4) Taldea lagundu nahi du eta eskertzekoa da. Guztioi bezala uda luzea izan da eta sasoia hartzea kostatuko zaio.

Julen: URDURI (4,5) Egokitzeko denbora eman behar zaio, aizu aldagelan esandakoak broma ziren. Itxura ona du eta talderen bataz bestekoan dabil.

Falop:DESKONTROLA (4) Aste osoa Martutenen kontrolak egiten igaro behar duzu, txispa hartu ezinik. Jaurtiketa erdiraketa sartu izan balitz... defentsan ahul!
Trole:IMPLIKATUTA (4,5) Udak ere gainontzekoei bezala ez dio mesederik egin ,hala ere, talde lanari begira zenbait keinu egin zituen. Golak bere izena darama.

P.D: Aste-bukaera honetako kronika nire etxeko sofatik idazten ari naiz anginak baitauzkat, zerbait deigarria idazti badut, farmakoengatik izango da. Gora Estanko Mendibal.