UDABERRIA IRITSI DA!

Lehengo astean telebistan eguraldia aurkezten duen gizonak ez zuen eguraldi onik iragarri astebururako. Azken egunetako emaitzei begiratzen badiegu ordea eguzkia distiratsu aritu zela esango nuke . Bejondeizuela!

Larunbatean arratsaldeko 18:30tarako taldeko ia gehienak Beasaingo futbol zelaira agertu ginen, ardi beltzen bat kenduta. Gure aurkariak guk baino 2 puntu gehiago zituen eta azken aldiko bolada onari eusteko aukera paregabea zen. Bazirudien horretarako baldintza egokiak izan zitezkeela eta horrela gertatu zen.

Zelairatu ginenak: Borja Izaskun atepean, izugarria bada bere inplikazioa joko maila are handiagoa da, Gazta eta Astudillo atzen sendo, Barrilete euskarri, Falop eta Aranburu “Salou Conection” hegaletan eta Trole aurrelari. Ardi beltza partidua hasita iritsi zen baina oraingoan bazuen berandu iristeko aitzakia. Aupa txuriak!

Zortzi jokalari soilik joateak bere onurak eta arriskuak ditu. Alde batetik partiduan sartzea eta erabat kontzentratua egotea errazagoa da eta bestalde jakitun gara fisikoki nahiko hanka motz gabiltzala eta honek partidu amaieratan sufritzera garamatza.

Nahiko ongi hasi genuen partidua, bakoitzak bazekien zeukan guztia eman behar zuela taldearen mesedetan. Baloia genuenean zentzuz mugitu genuen eta eroso sentitu ginen Goierriko hiriburuaren belar sintetikoaren gainean. Areatik gertu egin ziguten falta bat oso ongi jaurti zuen Gaztak eta atezainak ezin izan zuen ezer egin. Aurretik jartzea lortu genuen eta norbanako zein taldearen sentsazioak nahiko onak ziren.

Bigarren zatia hasi eta 2-0 igoarazi genuen markagailura Troleren burukada on bati esker, aipagarria da egindako jokaldi osoa , erdiraketa eta Killeraren errematea… momentu horretan garaipena atzamarrekin ukitzen hasi ginen eta hirugarren gola sartzeko aukera izan genuen. Ez genuen partidua erabakitzen jakin eta ondorioz sufritzea egokitu zitzaigun.

Atzera begira jarri ginen, Borjak gure bizkarrak gertuegi ikusten zituen. Aurkariek gol bat sartu eta markagailua estutu zuten 2-1 ipiniz. Asko sufritu genuen baina azkenean sari nagusia lortu genuen: garaipena.

Argi eta garbi esan daiteke E.M taldeak azken aldian duen tendentzia ona dela. Inertzia honek partiduak irabaztera garamatza. Asko dira gure egoera bideratzen lagundu duten faktoreak: bermezko atezain bat izatea, joko sistema aldaketa eta nola ez norberak bere buruarekin exijentzi maila handitzea.

Partidu bakarra geratzen zaigu 2007/2008 denboraldia amaitzeko. Egindako inkestaren emaitzak argi erakusten du ez ditugula denboraldi hasierako helburuak bete. Hala ere egoera ez da hain iluna, badirudi negua pasa dela eta udaberria ikusten hasi garela.


Nor baino nor:

Borja IKUSGARRIA (8) Hiztegian begira aritu naiz duen jarrera eta kirol maila adierazteko adjektibo bat bilatzen.Ez dut aurkitu eta jarritakoa zerbait gerturatzen da.

Gazta: LANGILE (7,5) Talde gizon petoa! Defentsan sendo eta baloia hanketan oso txukun. Gol polita, bejondeizula!

Astudillo: PRESENTE (6,75) Automobilean egindako konfidentziak albo batean utzita, hurrengo urtean zurekin bidaiatzen jarraitu nahi dugu. Atzean ondo baina baloia duenean gauza zailak egiten ahalegintzen da…

Barrilete Do Ron: JUGON (7) Aurka izan deun estatistika haustea lortu zuen eta irabazi genuen. Ez zituen zelai erdian baloi askorik galdu eta taldearen mesedetan lan egin zuen. Asko jokatzen du eta garrantzitsuena ingurukoak jokatuarazten gaitu.

Aranburu: KEZKATI (7) Pasatako astea ez zen onena izan baina aste-bukaerak erakutsi du iluntasunaren ostean argia etorri oi dela. Txukun aritu zen ohiko lan eskerga eginez!

Falop: TXIKI-TXIKI (6,5) El partido se gana así.Uno: el nerviosismo, dos: !que ocasión!, tres. ! Que fallo!, cuatro: !Que subidón!...

Trole: ERREFERENTZIA (7) Gola sartu zuen eta besteren bat ere sar zezakeen. Aurrera begira ondo baina atzera bueltatzea asko kostatzen zaio.

Oier: SARTUTA (7) Beeerandu iritsi arren, buru belarri aritu zen. EZ zuen zalantzarik adierazi eta lan itzela egin zuen. Asteburuan lortutakoagatik zorionak!

P.D: Ondo ereindako uztak fruitu onak ematen ditu. Gora txuriak! Gora beltzak! Ez ahaztu bizitza grisez betea dagoela.