ITZULERA GOZOA

Aste hasiera da, hilabetea ere iragan da eta azken aldiko oporraldi osteko lehenengo lan egunak dira. Astunagoa izango zela uste nuen baina azken asteek niregan utzitako lasaitasuna antzematen hasi naiz... Orokorrean itzulera nahiko gozoa izaten ari da igandean Anoetako atsekabea kontuan hartzen ez badugu noski.

Joan zen larunbatean arratsaldeko 16:00tan E. Mendizabalek norgehiagoka berri bati aurre egin zion. Aurkaria azkena zen sailkapenean eta horrelakoetan orain arte sofritzea tokatu izan zaigu.Jende kopuruz nahiko ongi genbiltzan, atea ondo zainduta genuen baina zalantza bat genuen: Aste beteko geldialdiak nola eragingo zion azken aldian zelai gainean azaldutako sendotasunari?

Guztira 10 jokalari gerturatu ginen Gros auzora, eta baita hiru jarraitzaile ere: Amets, Garazi eta Lier(ni). Eskerrak luzatu nahi dizkiet gu ikustera etortzeagatik eta haien presentziak handiago sentiarazten gaitu gure txikitasunean.

Partiduari azken aldiko sistemarekin ekin genion. Borja atepean, gero azalduko dudanez ez zuen egun onena izan, Astudillo eta Gari Stopper lanetan, Falop eta Aranburu hegaletan “Salou Conection” eta Iosu aurrelari.Zelaiaren albo batean Kike , Popes eta Oseis geratu ziren. Bere aldamenean Gazta aritu zen gure nondik norakoak zuzentzen eta bere entrenatzaile sena azaleratu zuen.Bejondeizula.

Gure antzeko taldeak aurrean ditugunean zalantza dezente sortzen zaizkigu. Normalen talde “handien” aurka ari garenean atzean itxaroten diegu eta kontraerasoren bat edo beste egiten ahalegintzen gara, baina baloiaren jabe garenean eta partiduaren tenpusa eraman behar dugunean gauzak zeharo aldatzen dira.

Partiduak ez zuen dirdira berezirik izan. Partidua nola kudeatu jakin genuen eta burua galdu gabe aritu ginen. Joko aldetik eskas baina azkenean guretzako beharrezkoa zen garaipena iritsi zen. Lehenengo zatian joko erauntsirik gabe 2-0 aurreratu ginen Iosu eta Falopen golei esker. Bideratua zirudien baina deskantsurako minutu baten faltan gure atezaina eta atzelariek sekulako opari egin eta markagailua estutu zen. Zoritxarrez hiltzear zegoen gaixoari hauspoa eman genion.

Deskantsuan ohiko zalantzak, begirada kezkatiak eta batek baino gehiagok belar sintetikoari etengabe begiratzen zion burua ezin altxatuz. Psikologiak gure eguneroko ihardunean eraginik badu futbolean antzeko zerbait gertatzen da. Elkarri animoak eman genizkion, albokoaren esanek barne oreka indartu eta zuhur baina irmo atera ginen. Futbola futbola da eta edozein gauza gerta zitekeen... tamalez 2-2koa igo zen markagailura eta zalntzak areagotu ziren. Gure barneko ahotsak “ berriro ez!...” oihukatzen zuen. Zorionez Aranburuk 3-2 igoarazi zuen markagailura eta gizalegez jokatu eta atezaina agurtzera joan zen. Momentu horretan kirol psikologiak eta giza izaerak elkar besarkatu zuten. Emaitzari eusteko kapaz izan ginen eta epaileak amaiera adierazi zuenean aspaldi generaman zama arindu zen.

Sailkapenean jauzi txiki bat egin dugu eta 11. postuan kokatu gara. Aste bukaera honetan Ezproi garagardotegiaren aurka jokatzen dugu ; gu baino postu pare bat aurrerago daude. Jarraituko al du gure gorakadak?



Nor Baino Nor:

Borja GOZO GAZI (4) Gaizki ohitu gaitu, jakitun izan behar dugu gizakia dela eta akatsak egin ditzakeela. Geldiketa onak ere egin zituen. Zalantzarik gabe urteko fitxaketa onena.

Astudillo ITOTA (3,5) Beroak ere eragina izan zuen guztiongan baina gorputzari buelta eman ezinik aritu zen. Sari nagusi asko ala?

Gari AZ(S)TORATUTA (5) Indarra eta kemena. Hori guztia bideratzea dagokigu. Aztean Stoperrak badaude zelai erdiko hegalean aritu behar du.

Aranburu LIZENTZIATU (7) Gola eta talde lana. Pixka bat astun eta erritmoa hartu ezinik? Babarrunengatik? Lizentziatu egin zara eta doktoradutza noizko?

Falop SALTSER0 (6,5) Gustura aritu zen eta barrua zeraman elastiko berdea erakusteko gogo handia zuen. Zorionak!

Quintana BERPIZTU (7) Salamankako aste nagusiak eraginik izan al du? Berpiztu egin zaigu eta eskerrak zelai erdi horretan faltak egiten dituen norbait dugula.

Ose(i)s LARRI (4,5) Fisikoki larri eta baloia duenean nahi du baina kosta egiten zaio. Ikusi bai burutu....

Kike TXUKUN (5,5) Bere izaera bezala. Apurka taldera eta jokatzeko erara egokitzan ari da. Lanagatik lo gutxi eginda etorri zen. Eskertzekoa!

Popes OZPIN (5) Momenturen batean Figo itzuli zela iruditu zitzaidan, pena erdiraketarekin ez zenuela asmatu. Ahoan duen indarra zelaira bideratuko balu...

Trole AL(L)KILER (7) Aurrelari totala! Golarekin duen hartu emanarengatik Amets jeloskor egongo da...hala ere, azken aldiko partidurik apalenetakoa jokatu zuen.

Gazta MISTER (7,5) Taldearen ardura kanpotik hartu zuen eta bigarren zatian egindako aldaketak taldeari mesede egin zioten. Amara Berri K.E entrenatzaile eskolak bere uzta jasotzen ari da.

P.D: Muchas personas se pierden las pequeñas alegrías mintras aguardan la felicidad Pearl s. Buck