HAMAIKA AKATS!

Iñoiz ez bezala, joan zen larunbatean 11 jokalari elkartu ginen partidu berri bati aurre egiteko. Kopurua egokia izan zitekeen baldin eta eskura genituen baliabideei etekina ateratzeko kapaz bagara. Ateren zaintza bermatu genuen eta aurten lehengo aldiz Unai Mentxaka etorri zen, iada ez dakit zenbagarren atezaina den... eta gainotzekoei gure lana ahalik eta hobekien egitea tokatzen zitzaigun.

Norgehiagoka hasi baino lehen elkartzea kostatu zitzaigun eta taldekideen arreta gureganatzea zaila izan zen. Egia da ez garela profesionalak eta futbol federatuan ez gabiltzala baina partiduen aurretik elkar entzuteko beta gehiago eskeini beharko genuke. Bi edo hiru minututan egin dezakegu baina badirudi batzuei gehiegi iruditzen zaiela.

Zelairatu ginenak : Mentxaka atezain, Astudillo eta Barrilete Do Ron atzean, Falop eta Popes hegaletan , a ze sakonatsuna ematen diogun jokoari, Quintana euskarri eta Trole aurrelari. Albo batean, Kike, Oseis, Merino eta Aranburu zeuden.

Partidua orokorrean nahiko berdindua izan zen, azken emaitzak hori adierazten du. Partiduaren zama beraiek izan zuten eta ia geihenetan markagailuan atzetik joan ginen, 1-0 aurreratu ziren, jarraian Barrileteren gol bati esker 1-1 berdindu genuen, beste bi bider aurreratu ziren, 2-1 eta azkenik 3-2. Tartean Trolek gol bat sartu zuen...

Azkenean markagailuak adierazten duenak ez gaitu itsutu behar. Bigarren zatia txarra izan zen, taldea bitan banatu zen eta Mentxakaren zenbait geldituei esker markagailu itsurosoa lortu genuen. Guk ere gure aukerak izan genituen, gogoan dut Falopek egindako kontrol on batek izandako definzio eskasa baloia zerura bidaliz.. Lerroen arteko tarte izugarri horri , aldaketekin gehiegi asmatu ez genuela erantsi behar zaio. Tamalez ohiko akatsak burutzen jarraizten dugu nahiz eta ibilbdea hobea den. Gizakia ez al da harri berean bi aldiz topo egitean erortzen den animalia?

Nor baino nor:

Mentxaka: DEBUTA (6) Pena da partiduko onena atezaina izatea… Ongi etorri Mentx!

Ose(i)s : GORUNTZ (5,5) Gorputzak laguntzen ez dion arren, baloia hanketan duenean zentzuz mugitzen du.

Astudillo : MISSING (4) Azken aldian ez dugu bere jokorik ikusi. Non dabil?

Kike: AGURRA (5) Nahi du baina larri dabil. Agian bere azken partidua da, aurki erietxetik pasa behar baita. Datorren urtean gurekin jarraitzeko prest?

Miguel: ARGI-ILUNAK(5) Lehen zati txukuna egin zuen, gola sartu, beste bat atepetik atera... bigarren zatian taldearekin ondoratu zen, baloi arriskutsuak galdu zituen.

Quintana: ILUN (3,5) Norbaitek ikusi al du aurtengo denboraldian iazko jokalari on hura? Honek izan nahi al du gure zuzendari?

Aranburu : NEKATUTA (4) Lehenago Baikaldo bezalako talde batekin aritzeak bere errendimendua jeisten du.

Popes: BADOA (4,5) Taldeak eskeinitako mailan, oraindik bere joko onena azaldu behar du. Zelaitik kanpo jokoa ematen du barruan…

Falop: LARRI (4) Aurkarien area zapaldu eta berdinketaren gola gertu izan arren ez zuen asmatu. Defentsan larri! Kornerretan defendatzen ikasiko al du?

Trole: GOLA (5) Gol bat sartu eta asitentzi on bat. Txispa galtzen ari da eta defendatu behar dugunean desagertzen da.

Merino : SUPERSTAR (4,5) Atezain hobea da jokalari baino. Taldeko mailan dabil eta zenbait momentutan taldea gehiago orekatzen lagundu beharko luke.

P.D. Futbol baloia utzi eta zubi honetan sakibaloian arituko al gara?