HURRENGO URRATSA GARAIPENA

Lehengo astean taldeak lortu zuen berdinketak zenbait zalantza sortu zituen. Gogorra eta krudela izan zen futbola gure taldearekin. Asteburu honetako berdinketak bestelako zaporea utzi digu.

Larunbata, arratsaldeko 19:45 eta Martikotxotegi futbol zelaian beltzez jantzitako 8 jokalari geunden, horietatik bik, Aranburu eta Barrilete, arratsalde horretan beste norgehiagoka bat jokatu zuten. Lehenengoak Egiako futbol salako txapelketa internazionalen berebiziko garantzia zuen partidua jokatu zuen Baiakaldorekin eta bigarrena Antzuolaraino joan eta partidu osoa jokatu zuen erregionalekin handik puntutxo bat ekartzeko. Honi guztiari bi atezain genituela erantsi behar zaio. Azkenean Borja Izaskun jarri genuen atepean eta denborak aitortu zigun ondo hartutako erabakia izan zela.

Azkenaldiko partiduetan taldearen bilakaera ona izaten ari da. 2-3-1 sistema sustraitu egin da eta orokorrean guztiontzako mesedegarria da. Gure zazpikoa:Borja , a ze atezain puska! Barrilete eta Gazta defentsa lanetan, ondo aritu ziren, Falop, Aritz eta Popes zelai erdian eta Trole aurrelari. Merinok zelaiaren albo batetik hasi zuen partidua.

Berehala jabetu ginen baloiaren atzetik ibiltzea tokatuko zitzaigula. Tokia nahiko ongi hartu genuen eta baloiaren jabetza ia ez izan arren, aurkariek ez zuten arrisku handiegirik sortzen. Golik jasotzen ez genuen bitartean gaitz erdi! Noizean behin beraien area zapaltzen genuen; Barriletek zein Gaztak luze jokatzen zutenean gainontzekoei baloiak borrokatzea tokatzen zitzaigun. Lehenengo gola aurka jaso eta betiko mamuak agertu ziren. Edozein gauza gerta zitekeen eta askoren ustea okerrena gerta zitekeela zen.

Duela zenbait aste Merino “goya” sariak izendatzeko izendatu nuen; ba defentsa batek elastiko beltzetik heldu eta nahiz eta bainu jantzirik ez izan, pistinara bota eta gure aldeko penaltia!! Gaztak baloia hartu zuen.. une horretan ez zitzaidan erabaki egokiena iruditu, hala ere, gola sartu zuen eta 1-1eko berdinketaz iritsi ginen deskantsura.

Beste behin bizirik geunden eta ikuskizun zegoen zer gertatuko zen. Nahiko argi genuen ezin genuela burua galdu eta guztiek defendatu behar genuela. Bakoitzak bere tokia gorde eta gol aukeraren bat aprobetxatzen bagenuen hobe.

Talde izaeran dago gure indarra.Larunbateko horren isla da. Talde bezala aritu ginen bai zelaian baita zelaitik at, galdetu bestela gure Stopper eta piboteari non eta nola iragan zuten larunbat gaua. Azpimarratzekoa da hartutako beste erabaki bat. Atzean jokatu zuten Gazta eta Barrilete atzean sendo aritu ziren, Aritz langile zebilen; hori dela eta partidu osoa jokatu zuten. Eskerrak batzuk talde izaerari garrantzi gehiago ematen diogula baina ez ahaztu haiek direla gu garelako!

Bigarren zatiak denetarik izan zuen. Barriletek egindako pase zoragarri bati Trolek izugarrizko burukada eraman zion eta 2-1 aurreratu ginen... gu ikusten ari zen gaztetxo batek hauxe esan omen zuen “! Que golazo..!” Guztiak poztu ginen eta gutxitan ospatzen ditugu golak larunbateko bigarrena bezainbeste. Guregan sinesteko ordua iritsi zitzaigun.

Ahal genuen neurrian eusten ahalegindu ginen eta noizbehinka baloiak luze botaz, Iosuk azaldutako jarrera onak ere lagundu zuen, sustoren bat edo beste ematen genien. Tamalez Gaztak penalti bat egin zuen eta berdinketa igo zen markagailura. Azkenean sofritu baina berdinketa eskuratu genuen.

Datorren asteburuan Herri Irratia.comen aurka jokatzen dugu. Azken partiduetako lan ildoari eutsi behar diogu. Bakoitzak zer eman behar duen eta dezakeenaren arteko oreka mantendu, baina beti ere talde izaeran oinarritu behar dugu. Garaipena gertuago dugu!


Nor Baino Nor:

Borja (8) SEGURU Hain gazte izan arren zelai gainean sekulako heldutasuna erakusten du. Gure talderako sekulako bermea da. Zorionak!

Gazta (7,5) OREKA +,-... Penaltia botatzeko ardura hartu zuen baita sartu ere, gurean ere aurkaria zangoa trabatu zuen. Defentsa lanetan sendo eta baloia jokatzerakoan asmatu zuen. Bere aginduek ere orekatzen gaituzte. Aupa G!

Migel (7,5) SENDO Nekatuta iritsi zen eta horrek indarrak neurtzera bultzatu zuen. Zentzua ematen dio gura jokatzeko erari nahiz eta batzutan nahasten den. Irabazle izaera du!

Aranburu (7) NEKATUTA Baldintza fisikoak ez ziren egokienak norgehiagokari ekiteko, alabaina, ondo aritu zen tokia galdu gabe eta defentsari lagunduz. “Ez dut norekin konbinatu..” edo horrelakoz zerbait esan zenidan joan zen astean, seguru larunbat gauean konbinatuak...

Popes (6) ARRISKUTSU Gauza bat da epailearekin ados ez egotea baina protesta egiteagatik jokaldia ez jarraitzea... eskerrak jokaldia ez zutela ondo burutu bestela...

Falop (6,5) SARTUTA Despistatzeko aitzakiaren bat edo beste izan arren buru belarri aritu zen. A ze gogoa duen barruko elastiko berdea erakusteko.

Trole (7) ARRANTZALE Nahiz eta batzutan uharte bihurtzen den, beti du zalabardoa zerbait harrapatzeko prest. Gol senak dirau! Bejondeizula!

Merino (7) AKTORE And the oscars go to Javier.... Saltsan egotea gustatzen zaio. Futbolean txukun aritu zen baina ez ahaztu gehiegizko aktuazioak aktore txar bilakatzen zaituela.

P.D: Biziarazten ari naizenarengatik mila esker guztioi !