GURPILA ZULATZEKO ZORIAN!

Gaurkoan, nik (Trolek), egingo det partiduko kronika. Nahiko urduri nago teklatuaren aurrean (atezain batean aurrean baino gehiago), konparaketak gorrotagarriak izan bait daitezke… Mesedez, ez nigandik Falopek egiten dituen hitz joko originalik espero.

Larunbateko arratsaldeko sei t’erdiak pasatxo zirenean 6 lagun geunden Matiko instalazioetan. Miguel eta Gaztakus partidua zeukaten erregionalarekin Oriyon eta ez zekiten zazpitarako iritsiko ote ziren, beraiekin zortzi lagun ginateke. Borja eta Meri ez zetozen, beraz, atezainik gabe geunden. Aranburu gaixo zetorren eta postu hau betetzeko bere burua eskeini zuen... HAU IZAN ZEN PATIDUKO ERABAKIRIK ONENA!!!

Aurkaria Servirueda taldea genuen, batenbat ezagutzen genuen eta, egia esan, talde planta ona zuten. Oraindik sei geundenez, catenaccioa, hau da, trolebusa montatzeko prest geunden Miguel eta Gazta iristen ziren bitartean, hala ere, zazpiak jo baino lehen, hor agertu ziren Oriyotik zetozen bi mutil puskak. HURA POZA!! Gauza itsura hona hartzen zihoan.

Aipatu behar da jendea lortzea oso zail egon zela eta Alex Orena arraunlari trebea gurekin jolasteko prest agertu zela, partidu bikain bat burutuz gainera.

Azken aldian hain emaitza dexeantea ematen ari digun 2-3-1 sistema aukeratu genuen eta hasierako hamaikakoa honakoa izan zen: Atean: Aran, defentsa lanetan: Gaztakus eta Astu, erdian euskarri lanetan: Barrilete, alboetan: Kike eta Kintana, aurrelari: Trole. Alexek marraz bestalde hasi zuen bere ekarpena.

Partidua nahiko ondo hasi genuen, nahiz eta beraien jokoa nahiko ona zelaz eta fisikoki gu baino gehiago zirelaz azkar jabetu ginen. Gazta zatiaren ia hasieran min hartu eta Alex zelairatu zen, ondorioz aldaketarik gabe jolastu genuen norgehiagoka amaitu arte. Nere ustez, oso lehen zati ona burutu genuen eta nahiz eta beraiek aukera argi batzuk eduki, guk ere hiru oso argi eduki genituen: Miguelen jokaldi on bat jaurtiketa gurutzatu batekin, Asturen area barruko jaurtiketa bat eta langara joan zen Troleren plantxaz egindako buruzko erremate bat. Esan behar da Aran BIKAIN ibili zela atepean, izugugarrizko gelditu bat egin zuelarik (ari da ikasten lurrera botatzea zer den).

Bigarren zatian egoera fisikoak garrantzi handiagoa eduki zuen, gehixio sufritu genuen. Hala ere 1-0 jarri ginen aurretik Miguelek maisuki jaurtitako falta bati esker, esan behar da ezker-eskuin ezker-eskuin taktika erabili zuela. Arerioak asko estutu gintuen eta Aramburu izugarrizko geldituak egin zituen eskubaloiko atezain baten modura; eskuekin, hankekin... Hala ere, azkenean, erdiraketa batean baloiak Kikeri eskuetan eman eta penaltia pitatu zuen arbitroak. Honekin 1-1 jarri ginen eta hau izan zen azken emaitza.

Esan behar da partidu serioa burutu genuela eta gurpila zulatzeko gutxi falta izan zitzaigula.


NOR BAINO NOR:

Aran Mr.GOALKEEPER (8,5) Eskertzekoa gaixo egonda partidura etortzea eta gainera atezain jolastea. Baina gehiago eskertzekoa egindako partidua. Berdinketaren arduradun handiena dudarik gabe. Penaltia ia gelditu zuen.

Kintana HEGALARI (6) Hegalean hasi zen, ez zen bere leku naturala. Hala ere partidu egokia burutu zuen. Baloi dexente lapurtu zituen.

Miguel EZKER-ESKUIN (7) Partidu ona burutu zuen. Orion 45 minutu jolastu ondoren indarrak gelditzen zitzaizkiola demostratu zuen. Bi hankekin jolasten jakiteak, futbolerako duen onura erakutsi zigun.

Kike BIGARREN HEGALARI (6) Hegaletik ibili zen hau ere, partidu txukuna burutuz. Denboraldi hasieran baino zentratuagoa ikusten zaio.

Astu BOTERETSU (7) Batez ere defentsa lanetan oso seguru ibili zen. Partiduetan parte hartzen duenean taldeak nabaritzen du.

Gazta AUTSITA (¿?) Partidua hasi eta berehala lesionatu zen. Pena bat. Gainera partidu batzuetarako edukiko duenaren susmoa daukat.

Trole AMON (6) Airton baino gehiago Amon izan zen. Aurreko partiduetan baino bajuxeago ibili zen, hala ere, jokoan parte hartze handiago edukitzen ari da, Barrileteri gustatzen zaion bezala. Faltak trebeki probokatzen ditu.

Alex SORPRESA (7) Partidu bikaina! Azkar, Indartsu, Ausart... Ez da futbolean askotan aritzen, baina gutxi aritzeko oso ondo dabil. Agian azken paseak fallatzen dio. Jenderik gabe gabiltzanean deitzeko aproposa.