BEHARREZKOAK AL DIRA INGENIARIAK ?

Joan zen larunbatean E.M futbol7 taldeak aurtengo denboraldiko bigarren faseari ekin zion. Aurkaria “Solo Goles” taldea zen orain eta arteko ibilbideari gainbegiratuta gure antzeko ezaugarriak zeuzkaten: lehen fasean azken aurrenak geratu ziren, beraien kirol maila nahiko apala zen…

Hasiera guztiek ordura artekoarekin haustura bat suposatzen dezakete. Taldeko partaide gehienak era batera zein bestera bultza eta bultza ari gara orain arteko egoera irauli nahian. Iraultza honen lehen urratsa partidua izan zitekeela uste genuen…. Lehenengo zaplaztekoa taldeak egun horretan izan zituen bajak izan ziren; ilusioa eta haustura tamalez jarraipen hitzarengatik ordezkatu behar genituen.

Gerturatu ginen jokalariak oso antzekoak ginen; atzealdeari nekez eusteko modukoak eta eraikuntzarako ez oso trebeak. Beharginak bai baina ingeniariak falta ziren. Partidua hasi aurretik elkarri begiratu genion eta 3-3 sistema berritzailearen aldeko apustua egin genuen. Txukun defendatu eta atea hutsean utzita kontraerasoren bat asmatzea. Amara Berri K.Ean ikusitako trolebusak txiki geratu ziren.

Gure zazpikoa honats: Merino atepean, Gazta, Gari eta David atzean, eta bigarren lerroan Popes , Quintana eta Falop. Oierrek berotzeko minutu batzuk behar zituen eta zelaiaren albo baten geratu zen.

Lehenengo zatian taldea ondo jarri zen, norberak bazekien zer egin behar zuen. Defentsan txukun aritu ginen baina ez ginen aurkariaren atera gerturatzeko gai, sakontasuna falta zitzaigun eta azkenean garesti ordaindu genuen.

Bigarren zatian baloiaren jabetza bi taldeena izan zen, zelai erdian jokatu genituen minutu asko eta ateak urrun geratzen ziren. Partiduan zehar David Popes eta Falopek elkarren artean aldaketak egitea erabaki genuen taldea sendotuko zelakoan. Gainontzekoek Gari joan arte zelai gainean eutsi zioten, etxearen eraikuntzaren oinarriari eutsi nahian.

Epaileak ez zuen bere egun onen izan eta gol bat anulatu zigun. Aste horretako dinamika jarraitu zuen epaileak.. Bost minutu faltan, Merinoren areatik gertu falta bat egin genuen. Jokalariak ondo aprobetxatu zuen hesiak utzitako hutsunea eta 1-0 igo zen markagailura. Lur jota utzi gintuen golak! Beste behin puntu batek alde egin zigun.

Igande bezperako beharginek ez genuen lortu etxearen oinarri sendoa eraikitzerik. Argi dago ingeniariak ere behar direla baina azaldutako jarrera benetan txalogarria izan zen. Datorren aste-bukaeran eraikina sendotzeko bigarren aukera dugu Martikotxotegin larunbatean arratsaldeko 19:00tan Asicumiren aurka. Gora Estankotarrak! Eutsi goiari!

Nor baino nor:

Merino (6) SEGURU La gutxi izan zuen, golean ezin zezakeen gehiagorik egin. A ze aldea atzelarientzat atepean atezain bat ikustea.

Gari (6.5) SALTSA Argiñanoren programan lana ondo egingo luke… saltsa guztietan dago, duen jokatzeko erak, baloia asko gidatzen du, egurra jasotzera oi darama

Gazta (6.5) OREKA Galdetu Otsoari ea bere taldean lekua egiten dizuten. Talde gizona, asko orekatzen gaitu. Otsoa dela eta non dago txano gorritsu ?

David (6) TEMATI Ari da, eta nahi du baina oraindik falta zaio. Horrela jarraituz lortuko duzu!

Quintana (6) ARGITZEN Badirudi iluntasunean argi pixka bat ikusten dela eta Ice Man urtzen ari da.

Popes (5.5) ZAIL Osasun aldetik aste zaila igaro zuen Txinatar peto honek. Zelai gaineko posizioak ez zion mesede handirik egin, eraikitzaile izan behar zuen.

Oier (6.5) BAIKOR Nahiz eta partidu hasiera aurpegiak urduritasuna islatzen duen oraindik, buru belarri aritu zen. Ez izan ezeren damurik…

Falop (5.5) SASIAGINTARI Oihuka igaro zuen partidu ia osoa taldeari tentsioa iragan nahian. Ez dira tentsioa eta urduritasuna nahastu behar!

P.D: Aurrelari onenak Berioko harmailetan (gradetan) zeuden!