HITZETATIK EKINTZETARA

Asteak daramatzagu gure kirol jardunaren inguruko hausnarketan. Gauza asko esan eta idatzi dira , eta benetan aberasgarria izan da taldekide gehienek azaldutako jarrera. Hala ere, urrats bat aurrera emateko garaia dela uste dut. Hori dela eta hitzetatik ekintzetara igaro behar dugu.

Gabonetako geldiunea baino lehen bi norgehiagoka dauzkagu: astebukaera honetan Naturcal FC taldearen aurka jokatuko dugu, 3. postuan doaz 19 punturekin, eta gabon gauren bezperan Bar Urdaneta Zarautz taldearen aurka, gure liga jokatzen ari dena eta guk baino puntu bat gehiago duena. Urtea ahalik eta diunen bukatzen saiatu beharko genuke eta honi emaitza onak eransten badizkiogu ba askoz hobeto.

Guztiok barneratuta daukagu futbol7 hirugarren mailan dabilen talde bat garela, baina sarri norberak barruan daraman entrenatzailea ateratzen dugu eta badakizue, hainbat buru... Ez da txarra bakoitzak bere iritzia ematea baina debateak eta barne zauriak ezin dira beti zabalik eduki, berau ixten indar asko galtzen baitugu.

Gaur egun taldeak 3-2-1 sistemaren aldeko apostua egin du, norberak badaki non jokatzen duen, edo gutxienez zelaiaren zein zatitan ibiltzen den... Norbanakotik hasita talde izaeran dago gure indarra. Goitik behera edo behetik gora gure lerroek gertuago egon beharko lukete eta gure talde izaera bloke indartsu bat bezela azaldu, honela norbaitek tokia edo burua galtzen badu besteak gertu egoteak taldeari mesede handia egiten dio. Gol gutxi sartzen ditugu eta ez da aurrelarien arazoa, guaza bera esan diteke defentsaz, gol asko jasotzen ditugu eta ez da atzekoen errua, talde izaeran dago indarra...

Badakizue ere Urrezko Falopa dela eta zenbait gora behera egon direla, penaz hartzen dut niregana iristen diren zenbait iritzi, funtsean Nor Baino Nor atalak zuen izaera eta jokatzeko era uztartzen ahalegintzen bainaiz eta garrantzia gutxien duena izenen ondoan agertzen diren zenbakiak dira. Niri gehien gustatzen zaidana Oierren balantza, Migelen Barrilete de Ron, Popese Txinarako bidaiak e.a dira... Oraindik batzuek ez dakite jokoa eta jolasaren arteko diferentzia zein den.

Momentuz Falopkraziak dirau, eta urtea bukatu arte bere horretan jarraituko dut, gogoko baitut hitzekin jolastea eta zuen barnean zirraratxo bat edo beste eragitea. Urtarriletik aurrera Urrezko falopak beste norabide bat hartuko du, zenbaki hutsarena, baina jakin ezazue nire kronikak Nor Baino Nor atalak jarraituko duela, hitza eta taldea sendotzea baita nire xede nagusiena. Urtarriletik aurrera zenbait berrikuntza gehituko dizkiogu gure blogari, denborak esango du asnatzen dugun ala ez.

Beno, gogora ezaue hausnarketarako bide txiki bat zabalik daukazuela eta nahi duzuenean bertan ibiltzeko gonbidatuak zudetela, azken finean arrastoak eta prozesuak dira garrantzitsuak eta ez helburuak. Alabaina aurrera egiteko garaia da! guztion artean lortuko dugu!



P.D: Aste bukaera honetan G puntuaren bila arituko dira Ilunbeko zezen plazan, guk aurkitu al dugu gurea?