Norabidea aurkitu nahirik!

Iragan dugun astebukaeran jokatutako norgehiagokak nahiko ezaugarri bereziak zituen; alde batetik astearen egunak aurrera joan ahala gero eta jokalari gutxiago geunden partiduari aurre egiteko eta bestalde, larunbat arratsaldea zen baina Beasaineraino joan behar genuen 40 kilometrotako txangoa burutuz...

Amara Berri K.Eeko erregionalen partidu gorabeheratsuaren tartetxo bat ikusi eta Oierren kotxera lau jokalari igo ginen, partidua jokatuko zutenen erdia! Horrelakoetan bidaiak egitea egokitzen denean, taldearen eta taldekieen esentziara iristea errazagoa da eta norberak bere bura ohi baino gehiago biluzten du, aldamenekoarekiko gertuago sentituz eta talde izaera indartuz.

Beasain inguruan geunden ; zelaia N-1etik ikusi eta bertara iritsiko ginelakoan konturatu gabe okerreko bidea hartu eta alferrikako 10 kilometro egin genituen ... Norabidea ezin aurkituz , kotxea gure futbol7 taldearen metafora bihurtu zen.

Futbol partidura urbildu ginenak 8 taldekide ginen, ez geneukan atezainik, lehenengoen aurka zen... beraz, ez zen oso egoera xamurra baina han geundenok gure esku , hanka zein burutan zegoena emateko prest geunden.

Honela zelairatu ginen: Aritz atezain, aldez aurretik jokatutako partiduaren nekeak eta esfortzua berreskuratzeko, atzean, Kike, Oier, eta David; Quintana eta Falop euskarri bikoitzean eta aurrean nola ez Trolebusa.Hasiera hasieratik bagenekien zertan aritu behar ginen ahalik eta txukunen defendatu eta aukeraren bat edo beste sortu.

Harrigarria da baina nahiz eta beraiek baloiaren jabetza izan guk jarri genuen partiduaren tenpusa , oso motel jokatu genuen eta batzutan baloiak zelaitik kanpo denbora gehaigo egiten zuen barruan baino. Sailkapeneko lehenengoek ez zuten gehiegi estutu eta gure akatsek beraien bi golak asko erreztu zituzten. Lehenengoa korner baten ondoren jaso genuen , Falopek bere aurkaria gaizki defendatu zuen eta bakar bakarrik Aritzen atea zulatu zuen. Atsedenaldira 2-0 markagailuarekin iritsi ginen; sentsazioa ez zen hain txarra eta aukerak izan genituen golen bat sartzeko, alabaina alde handia ikusten zen talde batetik bestera...

Bigarren zatia hasi aurretik ohiko errituala burutu genuen, zozketa egin behar zen atezain zein izango zen jakiteko eta oraingoan Davidi egokitu zitzaion. Atzean Kike Oier eta Falop jarri ziren, Quintana eta Gari zelai erdian eta Aritz aurrelari, Iosuk deskantsuan alde egin behar izan zuen.

Beste hiru gol jaso genituen.. ez diot errua atepean jartzen denari botako ez eta gutxiagorik ere, nire eskerrik beroenak lan horretan aritu diren guztiei baina egun dugun zulorik handiena atean dugu. Atezain finko bat ez izateak ez digu sekula 10. postutik gora joaten utziko. Gainera oso gol gutxi sartzen ditugu eta sartuko lituzkeen jokalari bat fitxatzea ez letorkiguke bat ere gaizki. Bada merkatuan aukeratxoren bat...

Bigarren zati honetan 3 gol gehiago jaso genituen baina emandako itxura bestelakoa izan zen. Zenbait momentutan lotsagabe joan ginen aurrera eta azkenean gol bat sartzea lortu genuen. Hiru aukera oso garbi izan genituen eta gehiago asmatu izan bagenu 5-1eko markagilua txukunduko genukeen.

Laburbilduz, hara joan aurretik bagenekien zaila izango zela markagailu on bat lortzea baina han izan ginenok erakutsi genuen konpromezu eta jarrerarekin pozik egoteko modukoa da, guztion jarrera horrelako balitz gaitz erdi!

Nor baino Nor:

Aranburu (5) ARDURATSU Sarritan erabakiak taldearen mesedetan hartzen ditu. Teori hona du praktika ...Berak argi du bere rola zein den baina gainontzekoek?

Kike (5) GORUNTZA Defentsan serio, asko ahalegindu zen taldearen mesedetan. Denborak jokalari hobea egingo du.

Oier (5) SENDO Jende gutxi goazenean errazago sartzen da partiduetan eta bere jokoak eskertzen du.Gogoratu edozein erabaki hartzeko balantza batek bi alde dituela.

David (5) UMORETSU Kotxean eta zelaian beti komentario zorrotzen bat egiten du. Bere ironia puntua gustatzen zait, gainera, hobeto jokatzen ari da.

Falop (5) ANTOLATZAILE Fisikoki nahiz eta ondo egon norgehigoketan erritmoa hartzea kosta egiten zaio. Korner batzuk atera zituen, taldearen eraikuntza bere oinetan badago....

Gari (6) GOGOTSU Nahiz eta bigarren zatirako iritsi, lehenengo zatian azken 5 minutuak jokatu zituen, taldeak bere indarra eta goruntz joateko jarrera nabaritu zuen. Beste nonbait berregokitu al dezakegu?

Quintana (6) ZUZENDARI Jokoa banatzeaz gain aurkarien area sarri zapaltzen du. Gol bat sartu zuen eta besteren bat sartzeko aukera izan zuen. Ongi etorri argien mundura!

Iosu (5) ITSU Lehenengo zatian foko baten argiak gol bat sartzeko abagunea zapuztu zion. Larunbatean taldearekiko azaldutako konpromezua ezin da zalantzan jarri.

P.D: Itzulerako bidean ez genuen Hontzaren ulurik entzun...