BURUA ALTXATUZ

Azken aurreko jardunaldian jasotako emaitzak erabat hoztua utzi zuen Estanko Mendizabal taldearen arima. Hori dela eta, lehengo astean egindako hausnarketak futbol zelaiaren gainean islatu behar zen eta zorionez horrela gertatu zen.

Hasteko taldekide ia gehienak, toki guztietan daude ardi beltzak, partidua hasi baino 20 minutu lehenago elkartu ginen aldagelan. Bertan nola jokatu, zeintzuk atera behar genuen adostu genuen eta taldeak asko eskertu zuen. Berotzeko beta hartu eta norgehiagokan buru belarri sartu ginen.

Zelairatutako zazpikoa honats: Falop atepean, David Gazta eta Popes atzean, Gari eta Astudillo euskarri bikoitzean eta aurrelari Trole. Quintana, Oier eta Aritz gure aulkiaren sakontasuna adierazten zuten.

Taldeak bere ohiturari jarraiki kili kolo hasi zen eta aurkariek baloiaren jabetza izateaz Falopen atera erraztasun handiarekin iristen ziren. Ez zen bere aurrelarien egun onena izan, aukerak izan baitzituzten eta eskerrak ez zutela gehiegitan asmatu.

Minutuak aurrera joan ahala baloiaren jabetza bi taldeena zen eta gol aukerak bi ateetan gertatzen ziren.Lehenengo aldaketekin taldea sendotu eta beraien ate ingurura gerturatzen hasi ginen. Honela Aritz atezainaren aurrean geratu zen bakar bakarrik eta , agian, gehiegizko irudimenak erabaki eta exekuzio okerrera eraman zuten, aitortu behar da atezainak atea ondo babestu zuela… Handik minutu gutxira Gaztak aurkarien atea zulatu eta 1-0 igoarazi zuen markagailura. Ordurako partidua nahiko zoratua zebilen eta zirimola horretan berdintzea lortu zuten.

Atsedenaldira banako berdinketarekin iritsi eta ordura arte egindakoaz nahiko pozik geunden, hala ere, futbol7 talde honek daraman denboran partidu askotan akats bera egin izan du; lehenengo zati txukuna eta bigarren zatian kaosa iristen zen. Oraingoan hori saihestea zen xedea.

Bigarren zatiari ongi ekin genion, baloia mugituz eta beraien atera sarri gerturatuz. Taldea eroso zebilen eta 3-1 aurreratzea lortuz zuen Troleren bi golei esker. Guztiek pentsatu genuen orduan garaipena gertu genuela…

Partidua orokorki nahiko zoroa izan zen baina zoroago bilakatu zuten bi pertsonaia agertu ziren. Alde batetik epaileak hartutako zenbait erabaki ulertezinak izan ziren , Gariri ateratako txartel gorria gehiegizkoa izan zen eta bestalde aurkarien aurrelariak azaldutako jarrera oldarkorra.

Erabat nahastu zen partidua, lasaitu beharrean guztiak aztoratu ginen eta ez genuen norgehiagoka irakurtzen jakin, ez genuen partidua irabazten jakin. Gure areatik gertu falta arriskutsuak egiten genituen eta beraien bigarren gola horrela iritsi zen, hesiaren azpitik sartu Falopek ukitu eta markagailua estutu zuen.

Hortik aurrera edozer gauza gerta zitekeen; luze jokatzen genuen, atzean arriskurik hartu gabe, eta lasaitasunaren gola lortzen ahalegindu ginen baina tamalez berdinketa lortu zuten eta 3-3 bukatu genuen.

Duela aste batzuk taldearen norabidea galduta zebilen baina jardunaldi honetan erakutsi dugu erabakiak logikaz eta orekaz hartzen baditugu talde itsura eman dezakegula eta ez ahaztu talde izaeran dagoela gure indarra. Burua altxatuz goaz, jaikiko al gera?

Nor baino Nor:

Falop: ADORETSU (7) Bere ezizena nonbaitetik datorkio. Defentsari eta taldeari etengabe aginduak eman zizkion izugarri gozatu zuen atepean baita sufritu ere!

Popes: BABESLE (7) Nahiz eta hasieran zenbait gora behera izan taldearen mesedetan lan dezente egin zuen. Bere karrila hartu eta gora iristen bada taldeak eskertzen du, azken pase hori…

David GORUNTZ (6) Taldeak luze jokatzen badu arduraren zama arintzen diogu eta eskertzen du. Taldearekiko duen inplikazioa erabatekoa da.

Oier LANGILE (6.5) Atzean aritu zirenentzat ez zen partidu erraza, serio aritu zen eta ez zen beste batzutan adina konplikatu.

Gazta: AUSART (7) Defentsa lanetan zein punta erdian txukun aritu zen, tokia galdu gabe eta ikusten ez den lan zikina burutuz. Golean ondo bukatu zuen jokaldia.

Gari: SENDO (7,5) Defentsa lanetan ikaragarri aritu zen eta sendotasun handia eman zion atzeko aldeari. Batzutan erreboluzioak jaitsi beharko lituzke.

Astudillo: EGOKITZEN (5.5) Txapelketari eta taldeari egokitzen ari da baina epe ertainean jokalari oso interesgarria izan daiteke.

Quintana: GARAILE (7) Baloia ez zuen beste batzutan bezain ondo mugitu baina zelai erdian defentsa lanetan ondo aritu zen. Aste bukaera ona ezta zuzendari?

Aranburu: LANGILE (7) Futbolean behintzat sakontasuna badu eta azken pase hori ematen asmatzen duenean taldeak asko eskertzen du.Izandako aukera horretan zer burutatu zitzaizun egitea?

Trole: GOLEATZAILE (8) Urnietak ez dakit zer duen baina aktore bilakatzen du. Berriro agertu zen Bi Gol Moretesen…

P.D: Tristezia nobaitekin konpartitzen baduzu erdi bihurtzen da, poza aldiz bikoiztu egiten da.