EZ ZEN ZAILA AURREKOA HOBETZEA!

Larunbatetan jokatu ohi ditugun partiduek beste kutsu berezi bat dute. Normalean taldea hobeto zelairatzen da eta ez zaio hainbeste kostatzen partiduan sartzea...

Hirugarren jardunaldiko norgehiagoka 15 minutuko atzerapenarekin hasi zen eta zelairatu genuen zazpikoa: Merino atean, David Gazta eta Unai defentsan, Quintana eta Miguel zelai erdian eta Iosu aurrean. Popes eta Oier noiz aterako zai geratu ziren.

Hasiera nahiko txukuna izan zen; presa handirik gabe baloia nahiko ongi mugitu genuen zelaiaren alde batetik bestera baina berehala nabaritu zen azkeneko pase erabakigarri hori emateko zailtasun handiak genituela. Gure aurkariak ere baloiaren jabetza nahi zuen eta zenbait arazo sortu zizkigun. Lehenengo zatian bi aukera garbi izan genituen; Miguelek eta Unaik gaizki amaitutako kontraerasoa, "Barrilete do Ron hurrengoan pasa bale?", eta Iosuk egindako erremate bat atepetik atera zuten. Hutsean amaitu genuen...

Bigarren zatia ere antzekoa izan zen, hala ere, gure akats larri batek, zelai erdian galdu ezin diren baloi horietako bat galdu eta gure defentsak azaldutako ahuleziak bat eta hutsekoa jarri zuen Martin Goxotegiko markagailuan. Momentu kritikoa igaro genuen, ez genekien argi nola jokatu, nekatuta geunden. Une latz horietan azaltzen dira liderrak eta Miguelek taldearen lidertza psikologikoa beragain hartu zuen. Alboko guztiak estutu gintuen "!Venga! Que vamos perdiendo!" oihukatzen zuen taldeari falta zitzaion arnasa eman nahiean. Honela partidua amaitzeko gutxi falta zela Quintanak berdinketaren gola sartu zuen eta momentu batez miraria gertatu zen!! lurretik altsa zen eta zelaian zegoen kautso asko bere buru gainean jarri zen ...ai gure Quintanak ilea zuela zirudien!

Orohar ez zen partidu txarra izan, taldeak ahal zuen bezala jokatu zuen ; lehen aipaturiko gabeziak azaleratu bazituen ere. Lehenago berdindu izan bagenu irabazteko aukera gehiago izango genituzkeen.

Baloiarekin zailtasun handiak ditugu, beraz, atzean sendo egoten bagara eta golik apenas jasotzen badugu orduan bai partiduak irabazteko abaguneak izango ditugula. Apurka apurka taldeak nola jokatu behar duen jakin behar du. Egia da batzuk zein besteak egon diferentzia dagoela baina hausnarketarako zenbait galdera plazaratu nahi nituzke. Nola komeni zaigu jokatzea guk baloia izanda nori eman ez dakigula edo hobe da aurkaria itxarotea eta baloia lapurtu eta kontraerasoa antolatzea? Ez da erreza erantzun egokia bilatzea, zenbat buru hainbat aburu!! Astebukaeran jokatzen ditugun partiduez gain astean zehar elkartuko bagina mesede handia egingo loike taldeari eta bere jokatzeko erari.

Bukatzeko eskerrik beroenak gu ikustera urbildu ziren guztiei eta batez ere lehenengo aldiz gerturatu zirenei. Mila esker!

NOR BAINO NOR:

Merino (6) SEGURU Atezain on batek gelditu daitezkeen baloiak bereganatu behar ditu. Taldeak eroso jokatzen du bera atezain dagoenean.

David (4) AHUL Egokitzen ari da eta fisikoki goruntza doa baina baloia jokatu behar denean zailtasun handiak ditu.

Oier (5) URDURI Ona da partidu hasieran tentsio puntu bat izatea, baina horrenbeste... lasaiago aritzeak eta tonu fisiko hobeak asko lagunduko loike.

Falop (5) LARRI Fisikoki partidua oso larri bukatu zuen. Hartu zituen zenbait erabaki ez ziren egokiak izan.

Gazta (6) ZUZEN Ondo dago gauzak errebindikatzea baina norberak dakiena egiten badu taldearen mesedetan izango da. Baietz denboraldia amaitu baino lehen hilerrira baloiren bat bota?

Popes (6) BAIKOR Jarrera aldaketa horrek aprobatzea merezi du, gainera nahiko txukun aritu zen.

Miguel (7) KAPITAIN Partidu honetako kapitaina edo lemazaina, hala ere batzutan jabetu zaitez norekin jokatzen ari zaren, guk ez dugu erregionalen mailarik. TXuuuuuuuuupooooooon!

Quintana (6) BORROKALARI Etengabeko borrokan zelai erdian, taldeak behar zaitu. Berriro idatziko dut asko egiten du nor duen aldamenean . Bera eta Barrilete do Ron ez al dira atzekoegiak?

Iosu (4) UHARTEA Aurrelari honi golak soilik eskatzen badizkiogu eta duen aukera aprobetsatzen ez badu... taldearen mesdetan gehiago sakrifikatu behar du.